Popular Bible Verses from DANIEL 3

Share

Sadrakh, Mesakh tuntang Abednego tombah, “Ikei dia handak mampabujur arep ikei. Amon Hatalla je inyembah ikei tau manyalamat ikei bara nyalan apui pehon je ganda-gandang te tuntang bara kuasan Tuangku, batantu Ie malaluse. Tapi jaka Ie dia malaluse kea, keleh Tuangku katawan ikei dia handak manara dewan Tuangku tuntang dia kea manyembah hampatong amas je impendeng Tuangku te.”

Tombah raja, “Tapi mbuhen gitangku epat biti tanjo-tanjong intu bentok apui te? Ewen dia imeteng tuntang dia samasinde buah taloh en-en. Tuntang je kaepat te ampie kilau dewa.”

Palus raja hamauh, “Tara Hatalla je inyembah Sadrakh, Mesakh tuntang Abednego. Ie jari manyoho malekat Ayue akan manyalamat katatelo reware je percaya dengae. Ewen jari malanggar parentahku tuntang labih nahuang matei bara manyembah atawa manara dewa kueh bewei, baya Hatallan ewen kabuat.

Awi te aku marentah je genep biti bara bangsa, suku atawa bara kueh bewei, je hakotak manawah Hatalla je inyembah Sadrakh, Mesakh tuntang Abednego, akan inasang-raga tuntang humae inderep jadi toyok paramon huma je rusak. Awi jaton aton dewa je tau malalus taloh je jari ilalus Hatalla te.”