Popular Bible Verses from OROMA 8

Share

Mbal Pem Nagawan abuwa kagwi nap, at indi-n pidnak kwaruwakluk yonggo ninpidnak nap nenmanggim-e Mbal Pem Nagawan-nen yi mende ndi mende oboksa kwat nonposolar-e, nit konak nak kwat nenpeyekluk yusu-o luk nenaru yili-o.

Nde, Yesus nenabuwa kaso iri na arem-nen kuri worak nunpurak mende-ge mondok lag-o. Wat yugwi mende-nen na, unluk woragwi mende-nen na, aid nap-nen na, teram woraso amawi-nen na, yawo worasu mende-nen na, abok wok ma mende-nen na, teram woraso mende-nen na, nggweyak ma woraso mende-nen na, ndak worak pidnak mende erep obok-nen na, oboksa-nen-e Nenagawan Indo Kerisut Yesus ebem Mbal Pem Nagawan-nen nenabuwa kaso iri na arem-nen kuri worak nunpurag-e meya-nen yusu-o luk an nindi angin tubu yusu-o.

Iri nggal, nit ndeyak woragola-ge, Konak Indi na lobok luk yongga nondoso-o. Nir-e tepan mot mot yurak nenaru buk woragola-ge, Konak Indi at-net nit nenmanggim Mbal Pem Nagawan emengen mbarosolar-e, mondok kiri keresa mbaroso me, ap-nen wene yurag-e meya-o.

Iri bem-e, nir-e no nde yul-o? Mbal Pem Nagawan-e nit ninmin worasola-ge, ta-nen nde nit sil niniyujwa-o?

Iri yidnak pem-e yawo-ge Kerisut Yesus imin kwin yidnak nap nenpem wene mbi mbaruwa bug-o.

Ki nap-nen kwarugwi mende-t yebet kali iri-ge wat yugwi-nen yusu-o. Nde, Konak Indi-nen kwaroso mende-t yebet kali iri-ge unlug-et woragwi elem min yamuksa woragwi elem min-nen yusu-o.

Alat nde, iri mende pidsa bem-e nit nenabuwa kaso nap iri-nen mondok ombol nggwe rak nunpusu-o.

Nde, an nindi-n perasolar-e, nit yawo andi bandi kali iri-ge marig-o. Nde, abok-nen mirik nunpuwa abinal iri min ndak ndag-e lag-o. Terak minik-net yusu-o.

Kerisut-nen nit nenabuwa kaso iri na arem woragola-ge, ta-nen kuri worak nunpuwa-o? Inndi kabak yugwi mende-nen na, angin worak mende-nen na, lel mberel unpugwi mende-nen na, nere-nen na, enarengge lak woragwi bem-nen na, kwiye kagwi mende bem-nen na, wim-nen na, iri-nen-e Yesus nenabuwa kaso iri na arem-nen kuri worak nunpuwa-a?

Nde, nggweyak ma nap inndi lombot poso Mbal Pem Nagawan-nen-e Konak Indi-n peraidnak iri-ge aru yusu-o. Konak Indi-nen len inpidnak nap nenmanggim Mbal Pem Nagawan emengen mbarosolar-e, Mbal Pem Nagawan indi-n pidnak ndak ndak irit emengen mbaroso-o.

Nde, Mbal Pem Nagawan Indi-nen ndemil unpuruk waring kaso nab-e Mbal Pem Nagawan ilirak-nen yili-o.

Ki nap-nen kwarugwi mende bem worali nap-nen yebet kagolar-e, ki nap-nen kwarugwi mende nak yebet kali-o. Nde, Konak Indi-nen kwaroso mende bem worali nap-nen yebet kagolar-e, Konak Indi-nen kwaroso mende-t yebet kali-o.

At ambik Ambara abuwa kagit lak, nit pidsa nenmanggim iminep wisirik pamu-o. Nde, at Ambara-t nde, wok nendarik me, yi mende ndi mende pidsa wok nundurak iri-ge nggog-a?

Mbal Pem Nagawan Indi-ge nit ninndi imin kundik woralat-nen mirik nonposolar-e: ”Kir-e Mbal Pem Nagawan ilirak-net yili-o” luk yusu-o. Nde, nir-e at ilirak nde ala-ge, Mbal Pem Nagawan-nen at ilirak tembesa wok undurak lid lud tak pidnak mende iri-ge nit na winde mul-o. Nde, Mbal Pem Nagawan-nen Kerisut wok turak lid lud tak pidnak mende na nit na at totno winde mul-o. Nde, Kerisut yane worosola, at totno yane wurul nde ala-ge, at unu kek tak posolar-e, nit na irit totno nunnu kek tak puwa-o.

Nde, ki nap-nen kwarugwi mende-t yebet kasu nab-e Mbal Pem Nagawan-nen imiri mbarak pidnak wene-nen yidnak yidnak kwaroso buk me, Mbal Pem Nagawan imin sirid nap-net yusu-o. Nde, ndemeret ar-e Mbal Pem Nagawan-nen imiri mbarak pidnak wene-nen yidnak yidnak kwarurag-e meyar-o.

Ndak worak inpidnak mende oboksa-nen-e: ”Mbal Pem Nagawan ilirag-e mepme-n nam tak unpuwa-o!” luk yik karok inndi mbung mbung tak worali-o.

Ndak worak inpidnak mende oboksa-ge kwami-nen li ndaguwokluk yane wurugwi nggal, iri nggal nanduk-net yawo kuri yane wat tenak worali-o luk nir-e nenaru-o.