Popular Bible Verses from OROMA 7

Share

Nenagawan Indo Yesus Kerisut ebem-nen Mbal Pem Nagawan nak wiwa-o yak turag-o. Iri ala-ge, an-e yu nggal kwarusu-o. An nindi-nen-e Mbal Pem Nagawan-nen idnak imiri mbarak pidnak wene na ndegel ubusu-t nde, nebage ki nap iri-nen kwarosolar-e, meya kwarugwi elem irit ndegel ubusu-o.

Ki nap-nen kwarugwi mende-ge an narem worasu me, konak kwarurak elem-e an narem worasu bug-o luk an-e naru yusu-o. Nde, konak nak kwareyeg-o luk, narem perasola-t nde, kwarurag-e meya yusu-o.

Konak mende irit kwareyeg-o luk peraidnak mende na-ge an-e kwarusu bug-o. Are, meya mende kwarimin pug-o luk peraidnak mende iri na kwarusu-o.

Nde, an-nen-e iri kwarimin pug-o luk peraidnak mende na kwarusu iri-ge an-nen kwarusu-ge lag-o. Are, an narem worasu meya elem iri-net kwarusu-o.

Iri bem-e, an-e wene ebe-ge yu nggal yidnak kasu-o. An-nen-e konak mende-t kwareyeg-o luk perasola-t nde, meya mende nak an narem-nen nam yusu-o. Nde, an nindi arem-nen-e Mbal Pem Nagawan-nen idnak imiri mbarak pidnak wene wanurag-e nindingen-et nde

Nde, an-nen-e iri kwarimin pug-o luk peraidnak mende nak kwarosolar-e, imiri mbarak pidnak wene-ge konak wene-nen yusu-o luk yebet kasu-o.