Popular Bible Verses from ZEPANYA 3

Share

Moiko in iḷukadan i TUHAN Allahmu inta motorindog. Moiko in mountung popisí in kawasa-Nea. Mopia bo moḷunganga in gina i TUHAN sin moiko, kon bonu in tabi-Nea moiko in mobiag mobagu.

Moiangoibí in orasnea, intaumu inta noirarit in kapiton-Ku mobui. Moiko in baḻíon-Kudon ponango-nangoian kon sinangkub in butá, bo kototomomanmu in poguḻiton-Kudon bui.” Ki TUHAN in nosingogdon.

Sin ki TUHAN in nogogaidon in mohukum kon i monimu; Sia in nopoguntundon in bayongan musungmu. Moiko in iḷukadan i datu in Israel, ki TUHANmu tontaní. Tanaa moiko in diá bidon paraḷu moondok bui.

Moiangoibí in orasnea kon monondorotmu rimumudon-Ku, bo intau nopelong posaḷamaton-Ku; bayongan in intau inta iḷumbú kapiton-Ku mobui. Koyoyempeng monia baḷuian-Ku mobaḻí kahoromatan; kon ondakabí, nodapot in kon sinangkub in butá, mosia in pomuliaanbí bo dayowon.