Popular Bible Verses from YEREMIA 29

Share

Kinotaauan-Ku bidon in tomayá-Ku mita kon i monimu! Tomayá mita tatua in deemanbí mopobodito kon i monimu, táe kobiaganmubí inta motompia bo mobogoi kon inimu in kobiagan moiduduimai inta nopuḻing in kamang.

Moiko in motayakbí kon i-Nakó bo moyodungkuḷ-Kubí, sin moiko in motayak takin ḻimbatú in gina.

Dá moiko in mokituḷungbí kon i-Nakó. Moiko in mamangoibí mosambayang kon i-Nakó, bo tubagan-Kubí in sambayangmu.

Totuu, moiko in mokodungkuḷbí kon i-Nakó. Moiko in sipunon-Kubí nongkon yuak in bayongan bangusa bo nongkon bayongan in butá inta pinoporaritan bo pinoḷumbúan. Moiko in diaan-Kubí bui kon butámu tanaa bo monompia bui kon kobiaganmu. Akuoi, ki TUHAN, ain nosingog.’

Ki TUHAN in noguman, ‘Aka motompodon in wakutu pitu nopuḷú notaong kon Babel, yo bui-Ku in moiko indoian, bo mogintompod kon dandi-Ku modia kon i monimu mobui kon tampat tanaa.