Bo ki TUHAN in nopotabá kon inakó noguman nanaa kon umat-Nea, “Indongogai! Akuoi, ki TUHAN, in mokipiḻí kon inimu: daḷan inta mopobayá in kobiagan, andeka daḷan inta mopobayá in kopatoian. Bayongan in intau inta mogutun kon bonu in kotá in matoibí popisí in parang, gogoy, andeka yampoi in takit. Táe mosia inta ḷumuai sin tumungkud kon intau in Babel inta koyogot in nonubu kon kotá tanaa, in kotaḻibanbí bo diá ḻimodon.