Popular Bible Verses from GALATIA 6

Share

Daya yiru, ada takam weru peda ngulah kawan hal sa maeh; daya amun takam puang taduh haut ngulah kawan hal yiru hinra tawuk hanrian takam sagar masi hasilni.

Jari, salawah naan kasampatan ma takam, wuah takam ngulah sa maeh ma katuluh ulun, samambatang tuu ma kawan pulaksanai takam sa mira kaparisayaan.

Wuah naun ipangarawah nanggung tanggungan ulun lain, nampan anri kalayiru naun ngalut nuu ma parentah Kristus.

Ada tatipu. Alatalla puang tau nakasese! Inun sa naamule, yiru pada sa nawasi.

Amun ulun ngamule manyu pidasaran murunsiani, hanye sagar masi pampatei teka pidasaranni yiru. Kude amun hanye ngamule manyu pimpinan Roh Alatalla, hanye sagar masi pamelum sajati palus kalalawah teka Roh Alatalla.

Pulaksanai katuluh! Amun naan ulun kadapatan ngulah dosa, wuah naun sa welum manyu Roh Alatalla, nganyak ulun yiru mulek ma lalan sa bujur. Kude naun harus nampalus yiru anri sanang damai, nelang jaga ada hampe naun raerai tagoda pada.

Amun naan erang kaulun kaingkam dirini mambatang, padahal puang, ulun yiru musu dirini raerai. Tiap ulun harus mariksa raerai inun kalakuanni maeh atawa puang. Amun maeh, hanye iyuh kaingkam arai daya hal yiru. Kude puang usah hanye nginturni anri inun sa naulah daya ulun lain. Daya tiap ulun harus mikul tanggung jawabni raerai.