Popular Bible Verses from GALATIA 5

Share

Kabalikanni, amun kawan ulun napimpin daya Roh Alatalla, hasilni hanyeyiru: Here ipasinta, here arai, here uweng pidamai atei, here sabar nelang maeh budi bisara, here maeh anri ulun lain, here satia, here randah atei, nelang saratang sanggup nawan nyatalau diri raerai. Puang uweng hukum agama sa nguring kawan hal kalayiru.

Bahumku kalayiti: Elahni Roh Alatalla nganyak naun nelang ada welum ngalut kabahumen pidasaran murunsia.

Roh Alatalla haut ngami ma takam pamelum wau; daya sabab yiru hanye pada harus marentah pamelum takam.

Kawan ulun sa haut jari milik Kristus Yesus, kawan ulun yiru haut munu pidasaran murunsiani anri kawan nafsu kabahirienni.

Kabahumen pidasaran murunsia lalea hawuang kawan pagawian sa ibela, bere, nelang puang patut; hawuang nyambah dewa anri alimu pitua; hawuang paut-bantah, babur, kadidit, hinang sangit, nelang ekat ngunu tenga ni raerai; pisah-bansai, nelang bapihak-pihak, nelang pibahiri, mahamui, pesta rami-rami anri wahai masam salainni. Neu katuluhni yiru aku ngampi itung naun itati kala aku haut ngampi itung naun dahulu hie, kawan ulun sa ngulah kawan hal kala yiru puang sagar jari ulun pidian Alatalla.

Pulaksanai haut naherau nampan jari ulun sa bebas. Kude ada makai kabebasan naun yiru neu saratang nampalus inun sa nakabahumen daya naun. Kabalikanni, naun harus sameh ipasinta nelang sameh malayanni.

Daya kabahumen murunsia ipanawan anri kabahumen Roh Alatalla, nelang kabahumen Roh Alatalla ipanawan anri kabahumen murunsia. Kararuehni ipanawan, hampe naun puang tau nampalus inun sa nakabahumen naun.

Katuluh hukum agama nasimpul hawuang parentah isa yiti, “Wuah hanyu sinta sasameh murunsia kala hanyu sinta dirinu raerai!”

Takam puang iyuh sakah, nelang sameh ngampi hanang atei, nelang kasiwa sa isa anri sa lain.

Takam itati bebas, daya Kristus haut mambebas takam! Daya yiru jaga kabebasannu, nelang ada hakun nasamalah lagi.