Popular Bible Verses from 1 PETRUS 2

Share

Kude naun samula bangsa sa tapidi, kawan imam sa malayanni raja, bangsa sa barasis, hulung ma Alatalla, ulun wat Alatalla. Alatalla midi nelang nerau naun kaluar teka piieng nampan masuk mawuang piraaini sa matalak, anri tujuan nampan naun nampe kabar neu kawan pagawianni sa luar biasa.

Kristus raerai mikul kawan dosa takam hang dirini hang ambau kayu balasangar, nampan takam lepah teka kuasa dosa, nelang welum manyu kabahumen Alatalla. Daya kawan batan Kristus sa nyamare naun. Dahulu hie naun kala babiri sa tawang, kude itati naun haut nainsing mulek nampan umba Pakatik nelang Pamalihara amiruenu.

Dahulu hie naun puang ulun wat Alatalla, kude itati naun samula ulun wat Alatalla. Dahulu hie naun puang nasinta daya Alatalla, kude itati naun narime ahi leloni.

Ware naun jari kala genda sa wau nakayaan, saratang kakan susu rohani sa maeh. Anri kalayiru naun sagar mihante nelang nasalamat.

Pulaksanai katuluh sa nasinta! Naun hanyeyiru ulun lain nelang gagaur hang dunia yiti. Daya yiru aku laku tatuu nampan naun ada ngalut kabahumen kabahirien murunsia sa saratang baparang nawan amirue. Pidasaran naun hang penah ulun sa puang kataru Tuhan harus tuu-tuu maeh, nampan amun here muntaka naun yalah ulun jahat, here sika harus mangaku pagawian naun sa maeh, hampe here sagar nawat Alatalla hang anrau pihawianni.

Naun kala kawan watu sa welum. Daya yiru ware naun sadia napakai ngambuan lewu Alatalla sa rohani. Anri kalayiru naun jari kawan imam, sa welum hulung ma Alatalla, nelang itetei Yesus Kristus nyarah ma Alatalla, parapah rohani sa nakatujuen hang atei Alatalla.

Daya yiru, umpe teka tenga diri naun ala sa jahat; ada lagi ipusu, nelang ada pura-pura. Ada bahiri, nelang ada ngampahe ulun lain.

Daya yiru, ware naun hawi nunung Tuhan. Hanye kala watu sa welum, watu sa naumpe daya murunsia daya naanggap puang bariran; kude sa napidi daya Alatalla yalah watu sa baharaga.

Ware naun welum kala ulun bebas, kude ada makai kabebasan yiru naun nutup kajahaten, malengkan ware naun welum kala walah Alatalla.

Daya Alatalla hamen nampan makai kawan pagawian naun sa maeh naun nutup mulut ulun sa budu bapaner.