Popular Bible Verses from 1 PETRUS 1

Share

Ware takam batarima kasih ma Alatalla, Ambah Tuhan takam Yesus Kristus! Hanye tuu sinta anri takam, yiru sababni hanye ngami ma takam pamelum sa wau, mitah nyamelum kamulek Yesus Kristus teka pampatei. Yiti ngami ma takam kaharapen sa mansing. Takam harap neu kaiyuh kawan berkat sa nasadia Alatalla ma ulun watni, hanyeyiru kawan berkat sanasimuhni hang surga, sa puang rusak, atawa buruk atawa wadik.

Daya yiru ware naun arai mihewu, biar itati naun erang pitus harus kaingkam mahanang atei daya naun wuah wahai masam subaan. Tujuanni hanyeyiru pakai mambukti inun naun tuu-tuu parisaya ma Tuhan atawa puang. Amas sa tau rusak, sika nauji makai apui. Nah, kaparisayaan naun samula labis baharaga teka amas, jari harus nauji pada nampan balalu mansing. Nelang anri kalayiru naun sagar natawat nelang nahormat nelang nainrik ambau hang anrau Yesus Kristus hawi kamulek.

Kabalikanni, ware naun barasis hawuang ala katantuluh sa naulah naun, sameh kala Alatalla sa nerau naun yiru barasis. Hawuang Surat Barasis nasurat, “Ware naun barasis, daya aku barasis.”

Ware naun ngalut nuu ma Alatalla, nelang ada welum mulur kabahumen naun sa uhang, hang tawuk naun magun huan kataru Alatalla.

Daya yiru, wuah naun tatap sadia. Hati-hati nelang anri penu kaharapen ma berkat sa sagar naami ma naun hang tawuk Yesus Kristus hawi hanrian.

Hawuang Surat Barasis nasurat kalayiti, “Katantuluh ulun murunsia kala rikut, nelang kawan pihanteni kala wunge rikut. Rikut layu, wungeni balalu ruruh; kude lengan Tuhan palus ma kalalawahni.” Lengan yiru Kabar Maeh sa haut nawara ma naun.