Popular Bible Verses from MATIUS 7

Share

“Appalakko, nunisare. A'boyako, nunggappa. De'deki pakke'buka, nunisungkeang.

Nasaba' inai-nai appala', iami lanisare; inai-nai a'boya, iami langgappa; siagang inai-nai ande'de' pakke'bu', iami lanisungkeang.

“Jari, inai-nai ampilangngeri siagang anggaukangi kana-kana Kupangngajarranga, iami sanrapang tau cara'deka, ambangunga balla' irate ri tompo'na batu makassaka.

Gaukammi ri parannu tau apa nungaia lanagaukang parannu tau ri kalennu. Iaminjo hukkung napabattua Musa, siagang pangngajaranna na'bi-na'bia.”

Mingka seppaki siagang sukkaraki pakke'bu' angngoloa mange ri katallassanga, nasike'de'ji tau angngolo anjoreng.”

“Pakke'bu' seppaka nuolo antama, lanri luaraki oloang mangea ri kapanrakanga, kammayatompa lompoi pakke'bu'na, najaimo tau angngolo anjoreng.

Manna antekamma ja'dala'nu mingka angngasseng tonjako assare apa-apa baji' mae ri ana'-ana'nu. La'biangampa pole Manggenu ri suruga, ma'nassa laNasarena apa baji' mae ri tau appalaka ri Ia.

“Teako mangngadeli ri parannu tau, sollanna tena todong Naadeliko Allata'ala. Nasaba' antekamma batenu mangngadeli ri parannu tau, kamma tomminjo batenu laniadeli ri Allata'ala. Siagang pa'baku' apa nupake ambakuki parannu tau, ia tomminjo sallang pa'bakuka laNapake Allata'ala ambakukko.

Na tau allangngerekai kana-kana Kupangngajarranga mingka tena nagaukangi, iami sanrapang tau toloa, ambangunga balla' irate ri tompo'na kassika.

Angngapa nakkulle nucini' limbu'bu' niaka lalang ri matanna parannu tau, mingka batu niaka lalang ri matannu tanucinikai? Antekamma lanukana ri parannu tau, ‘Mae kupasulukangko anjo limbu'bu' niaka lalang ri matannu,’ nania' batu lompo lalang ri matannu?

“Tutuko mae ri na'bi-na'bi palassua. Sanrapangi nicini' gimbala' ke'nanga, mingka sikontutojenna sanrapangi kongkong nye'nyereka lalang nyawana ke'nanga. Battu ri panggaukanna ke'nanga akkulle nuasseng nubatei. Takkulleai romang-romang akkatintinga a'rappo anggoro'; siagang takkulleai rompo'-rompo' akkatintinga a'rappo ara.

Poko' copponga bajiki rapponna, napoko' dattuluka kodi rapponna.

Takkulleai poko' copponga lakodi rapponna, kammayatompa poko' dattuluka takkulleai labaji' rapponna.

Nasikamma poko' tenaya nabaji' rapponna lanita'bangi nampa nitunu.