Popular Bible Verses from KALAPPASSANG 8

Share

Ero' tommi sikamma tau niaka pangngissenganna ampajappai pangngissenganna appa'nia' lamu', mingka takkulleai ke'nanga. Kemae-kemae nia' lamu', sa'genna nakanamo anjo sikamma tau niaka pangngissenganna mae ri karaenga, “Anne panggaukanNa Allata'ala.” Mingka kapala batui anjo karaenga. Na kamma le'baka Napau Batara, taerokai anjo karaenga anjampangi kananna Musa siagang Harun.

Nampa Nakana Batara ri Musa, “A'lampako mange andallekang ri karaenga siagang pabattui mae ri ia pasangKu anne: Lappassangi ummakKu a'lampa untu' anggaukangi ibadana mae ri Nakke.

Ri wattunna nacini' karaenga angkanaya mate ngasemmi anjo tumpanga, kapala batumi pole. Na kamma le'baka Napau Batara, taerokai karaenga anjampangi kananna Musa siagang Harun.

Punna taerokako, anne pa'rasanganga laKupirassi siagang tumpang, a'jari hukkungang mae ri kau.

Nakana Batara ri Musa, “Suroi Harun antunrungi buttaya siagang takkanna, nampa tappinra ngaseng sikontu limbu'bu' niaka ri Mesir a'jari lamu'.”

Napabattumi Batara katingaloa, sannaka jaina, mange ri balla' karaenga, siagang ri balla'na sikamma pagawena karaenga. Sanna'mi sessana sikontu pa'rasangang Mesir napakamma anjo katingaloa.