Popular Bible Verses from KALAPPASSANG 7

Share

Nakanamo Batara ri Musa, “LaKupa'jariko sanrapang Allata'ala ri dallekanna karaenga, siagang sari'battannu Harun la'bicara mae ri ia salaku na'binu.

Mingka laKupa'jari anjo karaenga terasa' pa'mai'na. Tena nalanajampangiko, manna pole kuppabattu jai bala ri Mesir. Lanri kammana anjo laKuhukkungi Mesir siagang hukkungang-hukkungang battala', nampa Kuerang sikontu bansa Israel, ummakKu, assulu' battu ri anjo pa'rasanganga.

Jari lanaassemmi tu Mesir angkanaya iNakkemi anne Batara, ri wattunna Kuhukkung ke'nanga siagang Kuerang tu Israel assulu' battu ri pa'rasanganna ke'nanga.”

Lanri kammana nasuro kio' tommi karaenga sikamma taunna niaka pangngissenganna siagang cara'deka a'bale'-bale' mata, nampa nagaukang todong kammaya siagang pangngissenganna ke'nanga. Napasambilai takkanna ke'nanga ri buttaya natappinramo anjo takkanga a'jari ulara'. Mingka nia'lu'mi ri takkanna Harun anjo sikamma takkanna ke'nanga.

Lanri kammana anjo, kammaminne kananNa Batara, ‘Battu ri apa Kugaukanga sallang, lanuassemmi angkanaya iNakkemi Batara.’ Anne takkanga laKupake antunrungi rateanna je'neka ri binangaya, nampa tappinra je'ne'na a'jari cera'.

“Punna nasuroko karaenga appa'nia' gau' malompo untu' a'jari butti, suroi Harun angngallei takkanna nampa nabuang naung ri buttaya ri dallekanna karaenga. Latappinrai anjo takkanga a'jari ulara'.” Jari a'lampami Musa siagang Harun andallekang ri karaenga siagang nagaukammi anjo apa Naparentakanga Allata'ala. Nabuangi Harun takkanna ri buttaya ri dallekanna karaenga siagang sikamma pagawena, nampa a'jari ulara'mo anjo takkanga.