Popular Bible Verses from JABUR 91

Share

olle mator kantha reya ka PANGERAN, “Junandalem se abilla sareng ngaobi abdidalem, Guste Allah, abdidalem parcaja ka Junandalem.”

Oreng se ngaop ka Se Mahatenggi, ban anaong ka Se Mahakobasa

Mon oreng jareya aserro ka Sengko', bi' Sengko' esaodana; e dhalem karekongan bi' Sengko' ebarengngana, e dhalem babaja epalopoda, ban eberri'ana kahormadan.

Allah tanto makon malaekadda ajaga ba'na, kaangguy ngaobi ba'na mon ba'na entar dha' emma'a bai.

Ba'na bakal ekepkebbana e baba'anna kalembangnga, sopaja ba'na aman e dhalem naonganna; kaestowanna akantha tameng se ngaobi ba'na.

Sabab ba'na la mele PANGERAN se epentae tolong kaangguy abilla ba'na, Se Mahatenggi bi' ba'na egabay pangaoban. Daddi ba'na ta' kera ekenneng calaka', bengkona ba'na ta' kera ekenneng pa-apa.

Ba'na bakal epalopoda dhari babaja se ta' etangale'e oreng, ban dhari panyaket se madhateng pate.

Maske badha saebu se mate e erenganna ba'na, sapolo ebu mate e sabingkerra ba'na, tape ba'na ta' kera apa-rapa.

Ba'na ta' osa tako' ka babaja e bakto malem, otabana serrangan dadagan e baja seyang; ja' tako' ka balai se dhateng e bakto petteng, otabana pate se dhateng e tera'na are.