Popular Bible Verses from JABUR 22

Share

Kaangguy pamimpinna koor. Menorot nyanyeyan: Manjangan se eserser pajjar. Jaburra Daud.

Bangatowa abdidalem ngarep partolongannepon Junandalem, sareng Junandalem laju epasalamet.

Oreng mesken bakal ngakana sampe' kennyang; se ngadhep ka PANGERAN bakal mojiya Salerana. Moga ba'na padha'a nyaman odhi'na salanjangnga! Sa-bangsa bakal padha'a enga' ka PANGERAN ban abali ka Salerana, ku-suku bangsa bakal asojuda kabbi nyemba ka Salerana.

Tolang abdidalem ekenneng bitong, eabas eanggep gun-tenggun sareng moso.

Angkadan-angkadan se bakal dhateng bakal abakteya ka PANGERAN, Salerana bakal eberta'agiya ron-temoron.