Popular Bible Verses from BANGSALAN 29

Share

Tako' ka cacana oreng madhateng kasossa'an. Paparcaja ka PANGERAN, ba'na tanto aman.

Bangsa se ta' etonton bi' Pangeran daddi bangsa se salbut kabadha'anna. Senneng odhi'na oreng se atoro' ka hokomma Pangeran.

Oreng budhu mon peggel rang-terrangan, tape oreng bicaksana sabbar ban ngampet napsona.

Pangajaran ban babala'an andaddiyagi oreng bicaksana. Na'-kana' se etorot bakal matodhusa ebuna.

Ajari ana'na ba'na, sopaja kana' jareya madhateng kataremtemman ka ba'na, ban daddi panglepor ka atena ba'na.

Oreng se angko bakal ekababa'agiya, oreng se andhap asor bakal earga'ana.

Oreng se dhuson atena andaddiyagi bannya' oreng atokaran ban agabay dusa.

Abannya'an pangarebban kaangguy oreng se budhu, etembang oreng se acaca ta' kalaban epekker gallu.