Popular Bible Verses from BANGSALAN 28

Share

Sapa se ngerrep dusana ta' kera ontong odhi'na. Sapa se ngakone dusana ban ta' agabay dusa pole bakal ekabellasana Pangeran.

Sapa se ngandellagi pekkeranna dibi', akkalla ta' baras. Sapa se atoro' ka pangajaranna oreng bicaksana bakal salamedda.

Oreng jahat buru maske ta' eserser oreng, tape oreng jujur bangal akantha macan.

Hormadi terros PANGERAN, tanto ba'na senneng odhi'na. Mon ba'na ta' atoro' ka Salerana, ba'na tanto calaka'.

Sapa se aberri' ka oreng mesken ta' kera kakorangan. Sapa se notop matana ka kabutowanna oreng mesken bakal ekennenga babaston.

Sapa se maenga' kasala'anna oreng laenna dhi-budhina lebbi eargai etembang oreng se lem-ngalem.