Popular Bible Verses from BANGSALAN 13

Share

Oreng se akanca'an ban oreng bicaksana, bakal daddiya bicaksana; oreng se akanca'an ban oreng budhu, bakal calaka'a.

Oreng se te-ngate acaca tanto aman odhi'na; oreng se acaca ban-saromban tanto calaka'.

Ta' mokol ana' artena ta' neser ka kana' jareya; mon neser kodu bangal mokol kana' jareya.

Mon pangaterro ta' katekkan ate sompek ta' karowan; mon pangaterro katorodan, ate gumbira.

Kajujuran ngaobi oreng se loros odhi'na; kajahadan maancor oreng se dusa.

Kasogiyan se gampang ekaolle gampang keya elangnga; tape arta se epakompol gan sakone' sajan abit sajan bannya'.

Kaangkowan pera' madhateng tokar; oreng se bicaksana endha' narema pangajaran.

Oreng becce' nyangkollagi kasogiyan ka na' potona; artana oreng dusa esempen kaangguy oreng se loros odhi'na.

Ana' se penter agateyagi babala'anna eppa'na; oreng sombong ta' endha' narema parengeddan.

Oreng se ta' endha' edhidhi' daddi mesken ban nespa; oreng se ngedhingngagi babala'an bakal ehormada oreng.