Popular Bible Verses from BANGSALAN 12

Share

Kakobateran e dhalem ate mapotong samangat, tape caca se manes maraja ate.

Oreng se lebur ka pangataowan senneng narema parengeddan; tape oreng se ta' endha' epaenga' jareya oreng budhu.

Caca se ban-saromban bisa maloka ate akantha se ejujju ban peddhang, caca se bicaksana akantha obat se mabaras.

Oreng gendheng apangrasa aba'na ta' tao sala, tape oreng bicaksana lebur ngedhingngagi babala'an.

Mon oreng budhu epapeggel oreng, laju ekoca'agi bakto jareya keya; tape oreng bicaksana ta' parduli maske ecale baramma'a.

Bine se becce' magumbira ban masenneng atena lakena; bine se matodhusan lakena marabut panyaket se mabucco' tolangnga.

PANGERAN baji' ka oreng se lecegan; tape lebur ka oreng se jujur.

Oreng se bendher apojuran dhari tatanggana, oreng jahat posang polana kajahadanna.

Barang se lecek tanto tabungkar e dhalem saparngedep, tape caca se teppa' bakal teptebba salanjangnga.