Popular Bible Verses from MATIYUS 21

Share

Apa'a bai se epenta ba'na e dhalem du'a, tanto ekaolle, sokor ba'na parcaja.”

Dhabuna Isa, “Ongguwan, mon ba'na parcaja ban ta' mangmang, ba'na bisa ngalakone apa se la elakone Sengko' ka bungkana ara reya. Ban banne pera' jareya malolo, la'-mala' ba'na tanto bisa ngoca' ka gumo' reya, ‘Mara ongga ban ngalto' ka tase'’, tanto pas kalakon cara jareya.

Reng-oreng se bannya' se ajalan e ajunanna ban e bingkengnga Isa padha ra'-era'an, “Molja'agi Pottrana Daud! Mandar eberkadana Allah se rabu kalaban asmana Pangeran! Molja'agi Allah Se Mahatenggi!”

Saellana jareya Isa pas adhabu ka reng-oreng jareya, “E dhalem Alketab esebbuttagi ja' Allah adhabu, ‘Tang bengko bakal esebbuda kennengnganna oreng adu'a.’ Tape bi' ba'na sateya ekagabay rongkangnga bigal!”

“Kabala ka Siyon, Ratona ba'na rabu. Andhap asor ban netene hemar, budhu'na hemar se gi' ngodha omorra.”

Isa pas adhabu ka reng-oreng jareya, “Apa ba'na gi' ta' tao maca se etoles e dhalem Alketab? ‘Bato se ta' eangguy bi' tokang bangonan la daddi bato se paleng parlo. Jareya lalakon se elampa'agi Pangeran; bagus onggu abasanna!’ ”

“Daddi kaenga'e,” dhabuna Isa, “sakabbiyanna ha'na ba'na menangka ommadda Allah bakal ecabuda ban ebagiya ka settong bangsa se bakal ajalannagiya pa-apa se eparenta'agi Allah. [