Popular Bible Verses from MATIYUS 19

Share

Isa ngoladi ka red-moredda jareya laju adhabu, “Monggu ka manossa, jareya mostahel! Tape monggu ka Allah, tadha' barang se mostahel.”

Daddi se kadhuwa jareya banne kadhuwa pole, tape la daddi settong. Daddi apa se la epadaddi settong bi' Allah ta' ekenneng pesa manossa pole.”

Dhabuna Isa, “Apa ba'na gi' ta' maca e dhalem Alketab ja' Se Amorba Jagat abadhi manossa lalake' ban babine'? Salerana laju adhabu, ‘Jareya sababba oreng lalake' adina'agi rama ebuna ban daddi settong bi' binena, ban se kadhuwa jareya laju daddi settong.’

Daddi Isa adhabu ka red-moredda jareya, “Dina panneng ma' olle na'-kana' jareya nyander ka Sengko'! Ja' langlang, sabab reng-oreng se akantha na'-kana' reya se daddi anggotana ommadda Allah.”

Tape bannya' oreng se sateya reya daddi se dha'-adha' bakal daddiya se dhi-budhi ban se sateya daddi se dhi-budhi bakal daddiya se dha'-adha'.”

Ban sapa'a bai se adina'agi bengkona, otaba taretan lalake'na otaba taretan bine'na, otaba rama ebuna, otaba na'-ana'na, otaba teggalla polana Sengko', oreng jareya bakal narema'a gantena se bannya'na saratos kalena. Ban oreng jareya bakal narema'a odhi' se sabendherra ban se langgeng.

Dhabuna Isa ka oreng jareya, “Mon ba'na terro samporna'a, kassa' juwal sakabbiyanna dhi'-andhi'na ba'na. Pessena bagi ka oreng se mesken, ban ba'na bakal olleya arta e sowarga. Mon la mare, pas noro' Sengko'!”

Dhabuna Isa, “Arapa ba'na me' atanya ka Sengko' parkara apa se becce'? Pera' badha Settong se becce'. Mon ba'na terro odhi'a, toro' pa-apa se eparenta'agi Allah.”

Ban areya' pole se ekoca'agiya Sengko' ka ba'na: agampangan onta maso' ka lobangnga jarum etembang oreng sogi maso'a ka Dunnyana Allah Se Anyar.”

Daddi, edhingngagi, ya: Pa'-sapa'a se nellak binena, mangkana binena jareya ta' nyalethong, saellana jareya laju abine babine' laen, oreng jareya azina.”

Isa laju adhabu ka red-moredda, “Sengko' ngoca'a ka ba'na, ce' malaradda oreng sogi se daddiya anggotana ommadda Allah.