Popular Bible Verses from MATIYUS 18

Share

Sabab mon badha oreng kadhuwa otaba katello akompol polana Sengko', Sengko' badha e jadhiya keya.”

Ban ba'na ebala'ana keya, ya: Mon e antarana ba'na e dunnya reya badha oreng kadhuwa se la saroju' parkara settong parkara sarta pas nyo'on parkara jareya ka Allah, parnyo'onanna ba'na tanto ekabbuli bi' Tang Rama e sowarga.

Isa adikane na'-kana' kene' kasorang, dineng kana' jareya epamanjeng e adha'na red-moredda. Isa pas adhabu, “Paparcaja, ya! Pera' mon ba'na aoba daddi akantha na'-kana', ba'na bakal daddiya ommadda Allah.

Oreng se paleng raja e antarana ommadda Allah iya areya oreng se andhap asor ban daddi akantha na'-kana' reya.

Ban oreng se narema na'-kana' se kantha reya polana Sengko', padha ban se narema Sengko'.”

“Ba'na ebala'ana, ya: Apa se bi' ba'na elarang e dunnya, elarang keya e sowarga. Ban apa se bi' ba'na ebendherragi e dunnya, ebendherragi keya e sowarga.

Isa ambu se acareta sambi adhabu, “Bariya keya ba'na bakal epakantha'a jareya bi' Tang Rama e sowarga, mon ba'na ta' nyapora taretanna kalaban ate se ehlas.”

“Sapa se daddi margana sala settong dhari na'-kana' kene' reya ta' parcaja pole ka Sengko', lebbi becce' mon oreng jareya le'erra egantonge bato gilingan laju ecabbur ka tase' se dhalem ma' olle tasellem.

Baramma panemmona ba'na? Saompamana badha oreng se andhi' dumba saratos meggi', laju elang settong, ba' apa se elakonana oreng jareya? Tanto dumbana se sangang polo sanga' meggi' edina'agi e gumo', laju entar nyare se elang gella'.