Popular Bible Verses from KADADDIYAN 39

Yusup etolong bi' PANGERAN, daddi apa'a bai se elakone masthe ahasel. Yusup jareya apolong e compo'na lorana, oreng Messer gella'.

Bi' Potifar dhi'-andhi'na esoro oros ka Yusup kabbi, daddi Potifar ta' noro' mekkere pa-apa kajabana parkara dha'arra dibi'. Yusup reya bagus robana ban manes cacana.

Yusup epassrae ngoros reng-oreng okoman laenna, tor epassrae tanggung jawab parkara sakabbinna lalakon e penjara jareya.

Yusup epakon tangkep laju epamaso' ka penjara, epapolong ban reng-oreng okoman laenna. Tape Yusup ros-terrosan etolong tor eberkadi bi' PANGERAN, sampe' Yusup ekaleburi bi' kapalana penjara.

Ta' saapa abidda se badha e jadhiya, laju ekaterrowe rajina Potifar; Yusup eajak tedhung apolong. Tape Yusup ta' endha', laju mator, “Nyo'ona sapora, Dinnaju, sadajana se badha e compo' ka'dhinto sareng guste Potifar eparcaja'agi ka abdina, kantos Potifar dibi' ta' noro' ngoros pa-ponapa. E ka'dhinto kakobasa'an abdina padha sareng kakobasa'anna guste Potifar. Tadha' barang se ta' eparcaja'agiya ka abdina kajabana panjennengngan. Kadi ponapa abdina se alakowa barang juba' kadi gapaneka sareng abadhi dusa ka Guste Allah?”

Tape, e settong are, e bakto Yusup maso' ka dhalem roma alalakona, kabendherran la-kabula laenna tadha' e jadhiya kabbi. Rajina Potifar nyandhak jubana Yusup sambi adhabu, “Mara ja' tedhunga ban sengko'.” Tape Yusup ajeng-gujeng sampe' jubana locot, cekka' ka astana rajina Potifar, laju buru ka lowar, kalambina paggun badha e astana babine' jareya.