Popular Bible Verses from PANGKOTBAH 2

Share

Allah apareng hekmat, pangataowan ban kasennengngan ka oreng se masenneng panggaliyanna. Tape oreng se dusa epakon alako kaangguy nyare kasap ban nompo' hasella kaangguy epassra'agi ka oreng se masenneng panggaliyanna Allah. Daddi, jareya kabbi tadha' gunana, akantha oreng nyerser angen.

Monggu ka manossa tadha' se abagusan dhari ngakan, ngenom ban ane'madi ollena lalakonna. Sengko' apangrasa ja' jareya paparengnga Allah keya. Sapa se bisa ngakan ban neng-sennengngan ta' kalaban Allah?

Tape saellana jareya sengko' mekkere sabarang hasella tang lalakon, ban sabarang se elakone sengko' kaangguy mamare sakabbinna lalakon jareya, sengko' pas apangrasa ja' jareya kabbi tadha' gunana. Sabarang se elakone sengko' jareya parcoma, akantha oreng se nyerser angen.

Sengko' norodi apa'a bai se ekaterro sengko'. Sengko' ta' tao ngampet pangaterro kaangguy ane'madi kasennengngan apa'a bai. Sengko' arassa gumbira polana hasella sabarang se elakone sengko', ban jareya tang opa.

Iya, sengko' tao, “Hekmat reya abecce'an dhari kabudhuwan, akantha terrang abecce'an dhari petteng.

Oreng bangket bisa nangale'e dha' emma tojjuwanna; oreng budhu padha ban se ajalan ga'-raga'an.” Tape sengko' tao keya ja' sakabbinna oreng bakal narema'a papasthen se padha bai.

Sabab manossa alako berra' ngangguy sakabbinna hekmadda, pangataowanna ban kaahliyanna mon badha se ekaterro ekaolleya. Tape dhi-budhina ollena lessona jareya kodu edina'agi kabbi ka oreng se ta' makalowar pello sakale. Daddi jareya parcoma, ban ta' adil!