Popular Bible Verses from PANGKOTBAH 1

Share

Sabab sajan bannya' hekmadda oreng, sajan tako' rassana atena. Sajan bannya' pangataowanna oreng, sajan bannya' keya kasossa'anna.

Apa se tao kadaddiyan, bakal kadaddiyan pole. Apa se tao elakone, bakal elakonana pole. Tadha' barang se anyar e dunnya reya.

Kabbi mabusen, ban kabusennan jareya ta' kaocap. Mata tadha' tobugga se nangale; kopeng tadha' tobugga se ngedhing.

Oreng Se Ahli Pekker jareya adhabu: Kabbi padha tadha' gunana! Odhi' reya parcoma, kabbi tadha' artena. Saomorra sengko' ban ba'na alalakon, sampe' kalowar pello koneng. Tape, kemma ollena se ekenneng andellagi?

Sengko' la nangale'e sabarang lalakonna oreng e dunnya reya. Ba'na paparcaja, ya, jareya kabbi tadha' gunana, akantha oreng nyerser angen.

Toronan se settong dhateng, toronan settonganna mosna, tape dunnya paggun bai tadha' obana.

Oreng ta' kera enga' ka kadaddiyan e jaman lamba'. Bariya keya kadaddiyan e antarana sateya ban pagi' ta' kera ekaenga'e bi' reng-oreng e jaman pagi'.

Daddi sengko' la atekat aehteyara sopaja tao bidana antarana pangataowan ban kabudhuwan, antarana kabicaksana'an ban kagendhengngan. Tape nyatana sengko' padha ban oreng nyerser angen.