Popular Bible Verses from MAZMUR 139

Share

Ku puji' na Belento kalana aku talalo ahi' ma'ima'! Iwi-iwi' na anu binaumo nu Belento okahelani ka' talalo ahi' okabangangi, totu-totu'u ku sumbu' na han aijo'.

Selidiki mae na aku o, Tumpu, ka' palesa mae na kinyonyoangku, uji' mae na aku ka' sumbu' mae na pikilanku. Toa mae pa' ko anu ma'idek i uno nu butongku, ka' laya' mae na aku i jalan anu sampe toka sidu-sidutu'.

Belento na nompotimbali toto sa'angu' na bagian nu butongku, ka' nontali'mo aku i uno nu ma'alum nu tinangku.

Nutoa nu Belento na aku tempo'nyo aku daagi' kandu-kandung hitinangku, iwi-iwi' tinulismo i uno nu kitab nu Belento; iwi-iwi' na sinaa polo'mo tinantukan mau ma'isa pe'e ko anumo sa'angu' na tinampu'unankumo pinotimbali.

Anu mongkapalai panyanyi. Mazmur i Daud. O Tumpu, Belento mompangalati'i aku ka' monsumbu' aku.

Moya na aku mamba da madi' nukona nu kuasa nu Belento? Moya na popalaianku da majo'on i ahop nu Belento?

Belento na monsumbu'mo iwi-iwi' apaa na anu binaungkumo; maumo majo'on na Belento panyo monsumbu' pikilanku.

Aitu pe'e ma'isa aku motatae, Belento nonsumbu'mo apaa na anu kahanda' ku taloakon.

Belento montoa aku maumo aku mokalaja kabai milawe, Belento monsumbu' iwi-iwi' apaa na anu binaungkumo.