Popular Bible Verses from MAZMUR 119

Share

Potatae nu Belento ponsulu'i aku malalangkas jingkanyo monjingkai aku lumajang.

Pangajalan nu Belento ku una'mo i uno nu kinyonyoangku da aku madi' baladosa' hi Belento.

To oli-olitau timbali monjaga kantumuu'annyo da madi' ko kasala'an de ia tumuu' montuluti palentah nu Belento.

Mohumpak ka'ima'an na mian anu kantumuu'annyo montuluti palentah-Nyo, ka' totu-totu'u na kinyonyoanyo bala'usaha monsumbu' Tumpu.

Belentomo na anu montinjohi mae ka' anu monjagai mae aku aku montaha'imanimo anu jinanji' nu Belento.

Balakatiakon mae na aku da mangalati' hi atulan nu Belento da saja' ku tuluti, ka' ku bau nu kinyonyoangku totu-totu'u.

Balakatiakon mae na aku da ko kahanda' montuluti atulan nu Belento, da boli mule' ko kahanda' lebe penting na timbali kaya.

Memang sahanyo Belento mohukumo mae aku, da ku sumbu' na atulan iwi-iwi' nu Belento.

Aiyamo na mohase' aku i uno nu kasala'anku, kalana anu jinanji'mo nu Belento aijo' mombee'i aku kantumuu'an.

O' amalakon da aku mintoong hondo-hondo hi palentah nu Belento, kalana aijo' na anu ku ka'ima'i.

O, Tumpu, pangajali mae na aku da mangalati' hi atulan nu Belento iwi-iwi' da ku tuluti sampe i ka'ahenannyo.

Kinyonyoangku nohintutumo kalana tinokanmo mae nu kasusa'an, pohosonakon mae na aku susumo anu jinanji'mo nu Belento.

Talalo hondo ku ka'ima'i na atulan nu Belento; ku tutugi sansina-sinaa.