Popular Bible Verses from AMSAL 13

Share

Mian anu mosangalu tiba mian anu pande saidi mae timbali pande; panyo mian anu mosangalu tiba mian anu ponga' saidi mae mohumpak kasilaka'an.

Mian anu mongati-ati na motatae kantumuu'annyo madi' ko anu mompoposia; panyo mian anu yayamo na motatae saidi mae mohumpak kasusa'an.

Madi' mondoke anak bala alati' madi' mongkalibosi ia; panyo de mongkalibosi ia tionyo ahi' baani na mondoke ia.

De anu lewa' o ima-imani madi' opoko ala ohumpak, kinyonyoa susa'mo hondo, panyo de anu okahanda'i ohumpakmo sanangmo na kinyonyoa.

Palabuatan anu madi' tageo' na kinyonyoanyo montinjohi mian anu hodi' na kantumuu'annyo; panyo palabuatan anu ma'idek na kinyonyoanyo mompatei mian anu baladosa'.

Kakaya'an anu ohumpak ola dengke-dengke malia' hondo maga'a; panyo halata' anu ohumpak toto sangkiding saidi mae mompaka pintuang.

Takabun ola monsaduakon painggagan panyo mian anu pande mongka'oho' montalima pangajalan.

Mian anu manonong mombee' kakaya'annyo hi to maku-makumpunyo, panyo kakaya'an nu mian anu baladosa' opo una'mo hi mian anu hodi' na kinyonyoanyo.

Anak anu pande mompalahatikan de tuumanyo mombee'i pokinde'; panyo mian anu ko bubuun madi' mongka'oho' de opisala'i.

Mian anu madi' mongka'oho' opogulu' timbali kasiasi ka' ma'ambangmo; panyo mian anu mompajuli pokinde' saidi mae oholomati.