Popular Bible Verses from YAKOBUS 3

Share

Panyo mian anu daagi' ko kapandean anu nolengkat mae kiita' i bawo, ia na anu momona hondo lomas, lapas mule' mongka'ima'i dame, ma'ima' na kinyonyoa hi sangko mian, mohongo-hongo. Ia saja' mongkalibosi ka' kalakuannyo saja' ma'ima'. Ia madi' montinjohi sangga'at ka' madi' mimpula-pula.

De itina' hi komiu daagi' ko mian anu pande ka' manonong, tionyo ahi' anu ma'ima' aijo' nu potoa i uno nu kantumuu'annyo, ka' mombau ahi' hahan anu ma'ima', anu ososapi'i nu kinyonyoa madi' ko bubuun ka' pande.

Memang ka'ima'an atina' bua' nu bine' nu dame anu sinau nu mian anu mongka'ima'i dame!

Iya na daagi' ko anu minsihip ka' tabiat mompentingkan posi butong, i kiijo' suele daagi' ko kahengge'an, ka' iwi-iwi na ngahan nu palabuatan anu ma'idek.

Kita mompake ia da bau pontaloakon talima kase hi Tumpu ka' Tuumanto, panyo mule' bau pongkutuki sangko mian, anu pinotimbalimo sumo butong nu Tumpu. Lengkat i nganga' anu sa'a-sa'angu'nyomo aijo' mosabat mae na potatae talima kase ka' mule' potatae mongkutuki. Sabenannyo madi' sumo aitu!

Jila' pokakanamo sumo apu. I butongto, ia timbali polengkatan nu ka'idekan anu mompolele ka'idekan i songko-songko na butongto. Sumo aitumo na apu anu molengkat mae i nalaka, ia montoyo'i songko-songko na kantumuu'anto.

Panyo jila' nu mian samian pe'e madi' moko ala momponyam. Jila' aijo' ma'idek ka' madi' opoko kuasaimo; buke' nu tua' anu mompatei.

To Utu-utus! Boli manjoo' na anu mongka'oho' timbali gulu' atina' hi komiu. Osumbu' miu saba' kita anu timbalimo gulu' de oputusimo lebe o pekangi molingkudui mian sangga'at.