Popular Bible Verses from YESAYA 9

Share

Ia mompalentah salaku tomundo' lee' mae i Daud, kakuasa'annyo daka' hondo. Lipu'nyo saja'mo dame ka' mohumpakmo kantumuu'an ma'ima'; pamalentahannyo montoongi atulan tiba ka'adilan mulai uuka aiya sampe toka sidu-sidutu'. Tumpu Anu Daka' na Kuasanyo na tionyo mombau aijo'.

O, Tumpu binee'anmo nu Belento kabilahian na aha anu taha-tahahumo Pinojadimo nu Belento na aha da lewa' nontaligalai. Aha ilame'mo kalana kanonongan nu Belento. Susumo mian anu binilahimo tempo'nyo nomposihukmo anu pinadakmo kabai nombagimo anu pinahuhuakon mae.

Tumpu nonabu'akonmo hukuman hi aha kalaja'an Israel.

Samian na anak hampemo aiya hi kita; kita binee'anmo samian na anak mo'ane. Ia na saidi' mae timbali polaya'to. Ia osanggohi: “Anu pande na mombee'i Pokinde'i”, “Tumpu anu Baani”. “Tuuma au tumuu' Sampe toka sidu-sidutu'”, “Tomundo' anu Mompodame”.

Bansa anu jojoong i uno nu kapintungan montoamo jingka lonsi-lonsinoan. Anu jojoong nu lolungi nu kapatean jiningkanmo nu sahaya anu majingka.

Belento nongalinimo tanggungannyo anu maboat ka' kau' anu simbu-simbu ibikoangnyo. Belento nompatundu'mo bansa anu saja' monsakisa anu lewa' mombee'i tanggungan toto boa-boat hi mian anu palesayamo hi Belento. Pokakana susumo naipuan mae tempo'nyo Belento nompatundu'mo suludadu nu aha Midian.

Sapatu nu suludadu anu ginalupakanmo ka' mule' baju' nu aha anu kahomo baso' saidi' mae mingkotmo mo'angot nu apu.