Popular Bible Verses from YESAYA 51

Share

Tumpu notatae, “Akumo na mohase' belemiu. Kadaka' beleyum mabuhukmo hi manusia anu madi' tumuu' batu, hi manusia anu ingalinmo susumo hemput?

Akumo na nomboka langit ka' nompokokomo lananyo nu tano'. Aku notataemo hi Sion: Beleyumo na mian anu palesayamo hi beleng-Ku; Aku mombee'mo pangajalan-Ku hi beleyum ka' monjagaimo beleyum nu kuasang-Ku.”

Potombihing mae na Aku, o, bansang-Ku, sinumbu'mo nu belemiu apaa na anu memang ahi' totu'u; pangajalan-Ku tinonguna'mo i uno nu kinyonyoa nu beleyum. Boli mabuhuk de belemiu nu kokojoi nu manusia boli bata-bata de belemiu nu alu nu aha.

O, Yerusalem, Aku mohase'mo beleyum, ka' iwi-iwi' na anu jojoong itampat nu belemiu anu ihansunmo. Sinin na padang tampat anu kinunmo, Kupotimbalimo taman, pokakana sumo Eden, taman-Ku anu molumba' Ikiijo' mian lame'mo ka' mule' bilahimo ka' lewa'mo manyanyi salaku bau pontalima kaseh.

Sahingga aha to mia-mian anu pinobebasmo nu Tumpu minsusule'mo mae aha minsoopmo i Yerusalem ka' lewa'mo montaligalai ohup nu aha balasahayamo kalana kalame'an anu madi'mo kokamingkotannyo. Aha bilahimo ka' mule' lame'mo, kaduka'an tiba pengeluhan imadi'anmo.