Popular Bible Verses from YESAYA 41

Share

Boli mabuhuk kalana Aku na monsangalui beleyum, boli baat-bata, kalana Aku na Tumpu nu beleyum. Beleyum Ku pokododomo ka' Ku tulungimo, Ku taka'mo nu limang-Ku anu timbali otaha'imani.

Kalana Aku, Tumpu, Tumpu nu belemiu nontoongimo ‘lima koanan nu beleyum.’ ”

Soba toa na mian iwi-iwi' anu notambuha'mo hi beleyum, opatundu'mo ka' ma, ambangmo hondo. To mia-mian anu madi' tulut hi beleyum, silakamo ka' ingkoting.

Beleyum ingalang-Kumo lengkat mae i pupus nu tano' ilagang-Kumo lengkat mae itampat anu toto jo'o-jo'on. Aku notatae, ‘Belentomo na posaihon-Ku; Aku sabole-boleh ahi' montalima anu pinile'an-Kumo.’

Beleyum moliomo aha to mia-mian anu madi' tulut hi beleyum, panyo madi' nu kabot na aha. Aha to mia-mian anu nahampate nongewa mae beleyum uuka aiya singkapmo sinilaka ka' imadi'anmo.

Tumpu notatae, “Boli mabuhuk, Israel, maumo ahi' beleyum ise' ka' madi' mahoson. Aku Tumpu na montulungimo beleyum, Anu Susi' hondo, Tumpu nu Israel aijo'mo na Momposalamat beleyum.

Panyo beleyum Israel posaihon-Ku, mian anu pinile'an-Kumo beleyum lee' mae i Abram, sampobela'-Ku.

Ku bauimo kaunyo da mo ili ito puge-puge'nyo anu madi' ko anu montumuu'i; mata nu uee lubatmo, mimbulalakmo mae itotonga' nu katano'an. Padang tampat anu mateges Ku potimbalimo talaga; uee lubatmo mae lengkat itano' anu kinunmo.

De bansang-Ku sisinoe'mo aijo' moliomo uee, ka' gogohong nu aha pakamo kalana negotmo, saba' Aku, Tumpu na montaamije do'a nu aha; Tumpu nu Israel na madi' ahi' mompala'i mian anu palesayamo hi Ia.

Ihe na nombaumo iwi-iwi' aijo'? Ihe na nontantukanmo da kinosisikonnyo? Aku, Tumpu, Akumo na anu momona, ka' tataap sabole-boleh daagi' sampe imihinyo mae.

Padang tampat anu mateges Ku su'animo kau' cemara, kau' zaitun, kau' murad, tiba kau' akasia. Padang tampat anu ewa Ku potimbalimo alas, alas nu kau' eru, kau' berangan, tiba kau' cemara. Sahingga iwi-iwi' na mian montoamo ka' monsumbu'mo taalu' Aku, Tumpu, na anu nompotimbalimo. Aha mompalahatikanmo ka' mule' mangalati'mo Tumpu nu Israel anu susi' na nompotimbali aijo' da jinadi.”