Popular Bible Verses from IBRANI 4

Share

Potatae nu Tumpu aijo'mo na potatae anu tumuu' ka' mahoson; molingkudui tajom nu bajak anu ko matanyo ohua'. Potatae aijo' monsusuk toka-toka i kinyonyoa ka' santuu'; toka-toka i to losu-losuan ka' touak na buku, sahingga monsumbu' totu-totu'u pikilan ka' tanga'an nu mian.

Kalana aijo' imbo' na kita babaani na mangadap hi Tumpu Allah anu ma'ima' hondo na mompalentah. Tumpu mongkalibosije kita ka' mombalakati kita da kita nu tulungi de tokamo na tempo'nyo anu tinantukanmo.

Imam Daka'to anu talasanggo aijo' misa' imam anu madi' moko ala mongoa'i apa-apaa na anu madi' opoko ala o oa'into. Panyo Ia sinobanmo i uno nu iwi-iwi' na han, pokakana sumo kita; ola Ia madi' nombau dosa'.

Madi' ko sa'angu' pe'e na anu konyawanyo na madi' nutoa nu Tumpu. Iwi-iwi na apaa langgo-langgo' ka' kantoan hi ahop-Nyo. Ka' kita tionyo ahi' mongakui apaa na anu binauntomo i hi Ia.

Mokonyo aijo' kita tionyo ahi' mintoong hoso-hoson i pangakuan nu kapalesaya'anto. Kalana kita daagi' ko Imam Daka' anu talasanggo, anu ninsoopmo sampe tinoka i ahop nu Tumpu Allah – atina'mo i Yesus anak nu Tumpu.

Kalana aijo', imbo' na kita da bala usaha totu-totu'u da mohumpak pingkainan anu jinanji'mo nu Tumpu aijo'. Boli sampe ko samian anu aiya hi kita na moteba' susumo aha naipuan mae, kalana madi'mo palesaya hi Tumpu.