Popular Bible Verses from KAJADIAN 41

Share

Tinaaman i Yusuf, “misa' aku Tuanku, panyo Tumpu Allah na montili'i anu sahondo-hondonyo.”

Lantas i tomundo notataemo hi aha, “Susa' na kita mohumpak mian sangga'at anu lebe sosok molingkudui i Yusuf, kalana ia nubaya'i nu rok nu Tumpu Allah.”

Sahingga i tomundo notataemo hi Yusuf, “Tumpu Allah nompoto'imo iwi-iwi' aiya hi beleyum, jadi nanasamo beleyum lebe pande ka' monsumbu' mongatun molingkudui mau mule' pa' ihe. Beleyum ku hangkatmo timbali gubernur, ka' iwi-iwi' na layatku tionyo ahi' nontuluti palentah nu beleyum. Ola aku na lebe matangkas na kuasa molingkudui beleyum.”

Ia notatae mule', “Tumpu Allah nombee'imo to ana-anak hi belengku i tempo'nyo aku kinasusa'an”, lantas anak ko ohua'nyo sinanggohannyomo “i Efraim”.

Notatae na i Yusuf, “Tumpu Allah nompotimbalimo aku nongkolilimimo iwi-iwi' na kasansala'anku ka' hi to utu-utus nu tuumangku.” Kalana aijo' sinanggohannyomo na anaknyo anu momona “I Manasye”