Popular Bible Verses from GALATIA 5

Share

Sumo aitu mule' de to mia-mian nupotiju'mo nu Roh nu Tumpu Allah, kasawe'annyo aijo'mo: Aha mompaha kali-kalibosimo, aha lame'mo, aha madi'mo lewa' mombau apa-apaa; aha sabaanmo ka' monginau' sangalu, aha mongkanonongi mian sangga'at, aha tulu-tulutan, aha madi' takabun, ka' saja' moko ala mongkuasai anu nu ka'ima'i nu butong. Madi' ko atulan nu agama anu montewa' hahan anu sumo aijo'.

Makisutku sumo uuka: Sahanyo Roh nu Tumpu na mompotiju' komiu, ka' boli tumuu' mombatuki pongka'oho' nu sipat nu manusia.

Roh nu Tumpu nombee'imo kita kantumuu'an anu bu'ou; mokonyo aijo' Ia suele mongkuasaimo ahi' kantumuu'anto.

To mia-mian anu i Kristus Yesusmo na tumpunyo, mian haha aijo' nompateimo sipatnyo salaku manusia tiba iwi-iwi' na napisunyo ka' apaa na anu nu ka'ima'i.

Anu nu kahanda'i nu sipat nu manusia onyata' i palabuatan masala', pahengas ka' madi' halus obau; i uno nu han monsombah pilogot ka' ilimu' ponsumbu'an; da nu ka'ima'i nu mian ka' opake de mompaha idekmo, mahantuda', minsihip, sampa' motambuha', ka' mosi ulus posi butong; mosubali ka' mosi pintu-pintuus, ka' madi' sanang hi samian, saja' malangu, saja' mombau bau-bauon, ka' sangga-sangga'atnyo. Mongkona iwi-iwi' aijo' ku pokinde'i na komiu uuka aiya susumo aku nompokinde'imo komiu u'utu mae, tukoongku to mia-mian anu nombaumo hahan anu sumo aijo', madi'mo timbali oposoop mian anu palesayamo hi Tumpu.

Kita Utus ilagamo da timbali mian anu bebas. Panyo boli mompake kabebasan miu aijo' da saja' mombau mau mule' pa' apaa na anu oka'oho' obau miu. Ola ahi' komiu tionyo mompaha kali-kalibosi ka' mompaha toa-toa anu kakulangan.

Kalana pongka'oho' nu manusia mompahasala' tiba pongka'oho' nu Roh nu Tumpu, ka' pongka'oho' nu Roh nu Tumpu mompahasala' tiba pongka'oho' nu manusia. Ohu-ohua' aijo' madi' mompaha kona, sahingga komiu madi' moko ala mombau apaa na anu okahanda'i miu.

Iwi-iwi' na atulan nu agama pinosa'angu'mo i uno nu palentah anu sa'a-sa'angu'nyomo aiya, “Tionyo beleyum mongkalibosi sangko manusia susumo beleyum mongkalibosi posi butongum.”

Kita madi'mo timbali takabun, ka' mompaha saki-sakiti kinyonyoa, ka' mongka'ideki samian ka' samian.

Kita uuka aiya binebasmo kalana i Kristus nompobebasmo kita! Kalana aijo' otoongi dodo-dodo na kabebasan miu, ka' bolimo mongka'oho' obotuani mule'.