Popular Bible Verses from GALATIA 4

Share

Kalana komiu to ana-anakmo nu Tumpu, Tumpu nonsaimo mae Roh nu Anak-Nyo da minsoop i uno nu kinyonyoa nu kita Utus ka' i kinyonyoangku, aijo'mo Roh anu notatae, “Tuuma, o, Tuumangku.” Jadi, komiu misa'mo daagi' botuan, panyo tinimbalimo anak. Ka' kalana komiu anakmo nu Tumpu, sahingga Tumpu mombee'mo hi komiu iwi-iwi' apaa na anu pinosadiakon-Nyomo hi to ana-anak-Nyo.

Panyo tinokamo i tempo'nyo anu tinantukanmo, Tumpu nonsaimo mae Anak-Nyo namba i dunia. Anak-Nyo aijo' i hampeakon nu samian na boune ka' tinumuu'mo i uno nu kakuasa'an nu atulan nu agama. Tiba jalan anu sumo aijo' Ia nompobebasmo to mia-mian anu tumuu' i uno nu kakuasa'an nu atulan nu agama; da kita mule' moko ala timbali to ana-anak nu Tumpu.

Panyo uuka komiu nonsumbu'mo Tumpu, kabai lebe kona mule', Tumpu nonsumbu'mo komiu. Jadi, kadaka' komiu mongka'oho' mule' minsusule' hi to roh-roh nu dunia aiya anu madi' moko ala mombau apa-apaa ka' kasiasi? Kadaka' komiu mongka'oho' mule' nubotuani nu to roh-roh aijo'?