Popular Bible Verses from NOSABATMO 2

Share

Tumpu Allah nohongomo aha, Ia nonginau'mo palajanjian-Nyo hi Abraham, hi Ishak ka' hi Yakub. Tinoa-Nyomo na to mia-mian nu Israel binotuanan, lantas Ia nontantukanmo da montulungi aha.

Lapas aijo', pa' sinangkukamo na taun na kinopinnyo i tomundo nu Mesir sinilakamo. Panyo bansa Israel daagi' saja' mososon kalana aha daagi' saja' obotuani sahingga aha noloboo'mo nomoita tulung. Loboo' nu aha tinokamo hi Tumpu Allah.

Salatan bungamea' aijo' gagana'mo dinaka' tinanyo nombee'mo ia hi bengkele' nu tomundo. Lantas bengkele' nu tomundo nontekengmo bungamea' aijo' pinojadinyomo anaknyo. “Ia ku sanggohimo i Musa, kalana ingalangku na ia aijo' mae i uee,” na koonyo nu bengkele' i tomundo.

Notataemo na bengkele' nu tomundo hi totina aijo', “Boa na bungamea' aiya ka' posusu na ia, ia aiya akumo na tumpunyo; saidi' mae belento totina ku tamboije.” Sahingga bungamea' aijo' binoanyomo ka' lewa'mo pinosusunyo.

Madi' pinin lapas aijo' tinokamo na bengkele' nu tomundo. Ia nintau'mo nokiijo' i kaunyo da mindi'mo, panyo to posa-posaihonnyo anu to bou-boune hau-haunyo lewa' ko lalajang i biwi nu kaunyo. Madi' pinin bengkele' nu tomundo aijo' nontoamo kalanjang aijo' i totonga' nu pu'un nu biho', lantas samian na posaihonnyo boune sinainyomo da lako' mongala mae.

Salatan i Musa tinu'anyomo, ia nambamo nompaha pia to mia-mian anu sa'a-sa'angu' na bansa tiba ia. Ia nontoamo aha mosia na aha opakisa mokalaja anu toto boa-boat. Tinoanyo mule' samian na mian nu Mesir nompateimo samian na mian nu Ibrani. Pinosilele' titikub i Musa ka' tinoanyo madi' mae ko anu mompalahatikan ia, lantas pinateannyomo na mian nu Mesir aijo' ka' bangke'nyo i lamunnyomo i uno nu bone'.