Popular Bible Verses from EFESUS 6

Share

Kalana kita mahampate misa' mongewa mian, panyo mongewa kahosonan nu to setan-setan iwi-iwi' anu mongkuasaimo tempo' anu ma'idek aiya. Kita mongewa kahosonan nu to roh-roh ma'idek anu mongkuasai langa.

Bau na iwi-iwi' aijo' ka' balado'a salaku pompoita tulung hi Tumpu. Iwi-iwi' na kasampatan tionyo balado'a susumo anu pinotiju'mo nu Roh nu Tumpu hi komiu. Tionyo ahi' komiu saja' mogogau' ka' boli mangaku matundu'mo. Saja' odo'akon na mian iwi-iwi' anu palesayamo hi Tumpu.

Pake iwi-iwi' na poguhaton nu mahampate anu sukup anu binee'mo nu Tumpu hi komiu, da komiu timbali moko ala totinjo mongewa kapandean nu to roh-roh anu mongakali lengkat i Ibilis.

Mokonyo aijo' tempo' uuka, pakemo iwi-iwi' na poguhaton mahampate anu sukup nu Tumpu, da sinaa anu ma'idek komiu moko ewa pontumbuhi mae nu sampo bali'. Ka' de lapasmo na komiu mahampate toka i mihinyo, komiu daagi' sabole-bole mahoson ka' baani.

Saja' opake na kapalesaya'an miu hi Tumpu salaku toongon bau pompedas; tiba kapalesaya'an anu totu-totu'u sumo aijo' komiu timbali mompoho' mata nu pana' iwi-iwi' anu ko apunyo lengkat mae hi anu ma'idek. Ala na kasalamatan salaku songko' anu ko aja'nyo, ka' potatae nu Tumpu salaku bajak lengkat hi Roh nu Tumpu Allah.

Tionyo ahi' komiu saja' balajaga-jaga. Tulu-tulutan hi Tumpu opake salaku bau pombutu' nu kompong, ka' kahondoan nu kinyonyoa salaku bau baju' besak nu belemiu. Tionyo ahi' halala' na mompolele Lele Ma'ima' anu momboa ka'ima'an timbali bau sapatu miu.

Ahennyo, pahoson ahi' na komiu nu kahosonan anu i humpak miu lengkat hi kuasa nu Tumpu, kalana komiu nosa'angu'mo tiba Ia.

“O'adati na tuuma miu ka' tina miu”, aijo'mo na palentah anu momona lengkat mae hi Tumpu ka' jinanji'mo, aijo'mo: “Da belemiu monta'up ka'ima'an ka' mantan na umun miu i dunia”.

To ana-anak! Salaku anu nombatukmo i Kristus, otuluti na tu'anyo miu kalana aijo'mo na anu patut obau.