Popular Bible Verses from ANU MOMPOLELE POTATAE NU TUMPU 5

Share

Lebe ko pikilan bata-bata lebe mule' mongipi anu ma'idek. Lebe manjoo' na potatae lebe mule' montaeakon potatae anu madi' ko kaliangannyo.

Tumpu nongganapimo tanga'an nu kinyonyoa nu mian aijo' nu kalame'an sahingga ia madi'mo daagi bata-bata na mompopikilakon kantumuu'an anu ola sasaingoni' aiya.

Mompaka panjoo' na kakaya'an nu toto samian, mompaka panjoo' na mian sangga'at anu tionyo ahi' obee'i mongkaan. Madi' ko ka untungan nu tumpunyo ola nu sumbu' ia mian anu kaya.

Bapikin pe'e atina'je ka' otaeakon ka' boli sampa malia-lia' balajanji' hi Tumpu. Ia kiita i suluga ka' mule' beleyum aiya i dunia jadi o unggali ahi' na potatae nu beleyum.

Sahanyo boli balajanji' de madi' otepati na palajanjian aijo'.

Boli potatae nu beleyum monsaduakonmo beleyum baladosa' sahingga beleyum talapakisa mompoto'i hi imam anu molayani Tumpu tukooyum beleyum sinangkalingamo na binalajanji'. Apaa na gunanyo nonsaduakonmo Tumpu nontambuha'imo beleyum sahingga ihansunan-Nyomo na hasin nu pakalajaan nu beleyum?

Aku nontoa i dunia aiya daagi ko apa-apaa na anu momposusa' kinyonyoa. Samian na anu montambun halata' da bau ponginau kakulangan.

Aijo' totu-totu'u moko susa' hondo kinyonyoanto. Kita mamba sumomo tempo'nyo kita uuka aiya tinoka mae. Kita ola ahi' malawe na mololoi' mombun ka' apaa na hasinnyo?