Popular Bible Verses from ANU MOMPOLELE POTATAE NU TUMPU 3

Share

Iwi-iwi na anu daagi' i dunia aiya jinadimo, tempo'nyo tinakanmo ahi' nu Tumpu.

Tumpu na nontantukan tempo'nyo nu mompohampe ka' tempo' nu silaka, tempo'nyo nu mosu'an ka' tempo'nyo nu mombubut, tempo'nyo opateimo ka' tempo'nyo mompa'alin, tempo'nyo mongidei ka' tempo'nyo mombau.

Tumpu na nontantukan tempo'nyo da humang ka' tempo'nyo kumojo, tempo'nyo da montando'i ka' tempo'nyo monsalelei. Tempo'nyo da moduhus ka' tempo'nyo madi' timbali moduhus, tempo'nyo montanggogoli ka' tempo'nyo pagala mongintim kinyonyoa.

tempo'nyo da mombeak, ka' tempo'nyo mongka'ut, tempo'nyo ola momohokot, ka' tempo'nyo motatae. Tumpu na nontantukan tempo'nyo da mongkalibosi ka' tempo'nyo da mongka'ideki, tempo'nyo da mahampate ka' tempo'nyo da baladamemo.

Tumpu na nontantukan tempo'nyo da okabot ka' tempo'nyo molapusmo, tempo'nyo da monguna' ka' tempo'nyo loyaan

Ku sumbu' iwi-iwi na usaha nu Tumpu tataap daagi' sampe toka sidu-sidutu'. Madi' bisa' montuangi kabai mongkulangi na mian. Ka' Tumpu mombau sumo aitu da kita mabuhuk hi ia.

Kututugi Tumpu momputusi mian anu ma'ima' na gau'nyo ka' mule' mian anu ma'idek na gau'nyo kalana toto sa'angu' na han ka' toto sa'angu' na han anu obau tionyo ahi' jadi i tempo anu tinantukanmo nu Tumpu.