Popular Bible Verses from ANU MOMPOLELE POTATAE NU TUMPU 11

Share

O belemiu to oli-olitau ka' to lalangkoyang, oa'i pe'e na kasanangan de daagi olitau ka' langkoyang! Balame-lame'mo de belemiu hau-haunyo tumimpasje. Baumo iwi-iwi' apaa na anu nu kahanda'i nu nyawa nu belemiu, ka' mule' baumo iwi-iwi' apaa na anu iniatmo nu kinyonyoa nu belemiu. Panyo o inau' ahi' na Tumpu anu kiita i suluga', Ia na momputusi saidi' mae palabuatanto iwi-iwi'.

Bolimo daagi bata-bata ka' mongoa'i susa' i uno nu kinyonyoa nu belemiu kalana ka umolitauan tiba kalangkoyangan nu belemiu malia' hondo tombo liu.

Ihe na montanda'i sampe mombun tiba jingka ma'ima'mo; madi'mo daagi mosu'an sosu'anon ka' madi'mo daagi mongala hasinnyo.

Tumpu na nompotimbali iwi-iwi' anu idunia aiya; ka' manusia madi' monsumbu' apaa na anu binau-Nyomo, sumo aitu mule' ia madi monsumbu' kantumuu'an anu salaje mae jadi i uno nu ma'alum nu samian na totina.

Daagi subu-subu saumo na bine' nu beleyum; ka' boli mingkain mau mule' malomo, kalana madi' osumbu'to iya na anu sinaunto aijo' na anu tinumuu' ma'ima'. Ugaat ahi' ohu-ohua' tinumuu' ma'i-ma'ima'.

Balanjakon na doi nu beleyum ingangahan nu badagangan; Olio na usaha jonjoo'. Kalana mian palalu saja balajaga-jaga; mau ma'isa pe'e ko balaa' montokai mae.