Popular Bible Verses from ANU MOMPOLELE POTATAE NU TUMPU 1

Share

Saba' mompaka pintuang na kapandean bapikin, sumo aijo' mule' mompaka pintuangmo na bata-bata. Mompaka pintuang na kapandean, mompaka pintuang mule' na kasusa'anto.

Apaa na anu toho'mo jinadi aijo' jadi mule'. Apaa na anu toho'mo binau aijo' obau mule'. Madi' ko sa'angu pe'e na anu salaje' omulai obau i dunia aiya.

Iwi-iwi' mongosaimo ka' kapa'osan madi'mo opoko ala otaeakon. Matanto aiya madi' ko kapobosuannyo na lewa' monjonohi, bihingto suele madi' kokapa'osannyo na mohongo.

Anu saja' Bapikin notatae; iwi-iwi' palasuma' madi' ko gunanyo! Kantumuu'an aijo' palasuma' iwi-iwi aijo' madi' ko alati'nyo. I uno nu kantumuu'anto kita mokalaja, mompao'i lisongu. Panyo iya na hasinnyo anu timbali okinti-kintiakonto?

Tinoangkumo iwi-iwi' na palabuatan nu mian i dunia aiya. Palesaya na uuka, iwi-iwi' aijo' madi' kogunanyo, sumomo mompagala mololoi' mombun.

Tulunan sa'angu' tokamo mae ka' mule' tulunan sangga'at imadi'anmo, panyo dunia na sapulinyo ahi' tataap.

Apaa na anu jinadimo naipuan mae, madi'mo nu inau' nu mian. Sumo aitumo na kajadian tempo uuka aiya ka' mule' anu aiya mae i ahop madi'mo nu inau' nu mian imihinyo mae.

Pinagalangku sinumbu'ku na kapandean tiba kaponga'an pa' mosia na bedanyo ka' mule' kapandean mompopikilakon apa-apaa ka' mule' anu ponga' hondo. Panyo inyata' kuje taalu' aku aiya ola ahi' susumo mimbalu-balu' mololoi mombun.