Popular Bible Verses from 2 KORINTUS 4

Share

Kalana kami madi' mongka'ima'i hahan anu kantoan, panyo anu madi' kantoan. Anu kantoan ola montahan sasaingoni', panyo anu madi' kantoan aijo' pin sampe toka sidu-sidutu'.

Mokonyo aijo' kami madi' ma'osa. Mau mule' kantumuu'an i dunia aiya, kami ko ide-ideknyomo, panyo kinyonyoa mami toka sansina-sinaa saja' opotimbali bu'ou. Ka' kasusa'an anu madi' tala-talalomo sumo aiya, anu o'oa'i mami ola sasaingoni', mompodaagi'je hi kami sa'angu' na kabilahian anu madi' ko gampanyo ka' sampe toka sidu-sidutu'. Kabilahian aijo' lebe daka' molingkudui kasusa'an ai-aijo'.

Iwi-iwi'mo na han baumo pompahantuda'akonan kami, panyo kami madi' momosia. Mingkotmo na pikilan mami, panyo kami madi' ma'osa. Manjoo' na anu monsampobali kami, panyo madi' toho' kami oposi pala'i. Ka' mau mule' toto minsan kami obanda sampe tohumpuk panyo kami madi' mate.

Panyo halata' nu rohani anu ma'ima' hondo aijo' oboa i butong mami anu madi' ko olinyo aiya anu tano' na binau. Jadi desumo aijo' nyata'mo taalu' kakuasa'an anu daka' aijo' una-una' hi Tumpu misa' hi kami.

Pilogot ide-idek anu mongkuasai dunia aiya nongkulubimo pikilan nu to mia-mian anu madi' palesaya aijo'. Iamo na lewa' molingkang aha da aha madi' montoa jingka nu Lele Ma'ima' aijo' mongkona katalasanggoan i Kristus, anu salaku gambalan nu Tumpu Allah.

Tumpu na notatae, “Tionyo ahi' lengkat i uno nu pintung bete'mo na jingka,” Tumpu ai-aijo'mo na nompobete' jingka aijo' i uno nu kinyonyoanto, da pikilanto timbali majingka ka' monsumbu' kalonyingkaban nu Tumpu anu i lonyingkabanmo hi ohup i Kristus.