Popular Bible Verses from Roma 14

Share

Alaꞌ poparentana Pueꞌ Ala, handoꞌiolu noniuꞌ i pangka ba inua. Angkana noniuꞌ tuwuꞌ mampetuntui peleihana Pueꞌ Ala, hei tuwuꞌ i lali kotanaꞌ lali hei romiꞌ ngkotuwuꞌ; Lekiꞌ-lekiꞌna tiꞌo pepongkana ka Inohaꞌ Mangkolehi. Ane iwalikei hatoꞌo pe Kerisitu, hingkiꞌ nopomotanaꞌkei Pueꞌ Ala hei noꞌadaꞌikei awami.

Tuwuꞌ ba mahiki, hingkeꞌna moꞌadaꞌiki Pueꞌta, alaꞌ toaꞌNaki.

Iomo horiana hangangaa ipaliꞌkei lala hingkeꞌna mohintuwuꞌkei hante hangko awami, hei momepokaroho lalikei haduo hei haduo.

Pueꞌ Ala hingkiꞌ mobutusi kara-karana lekiꞌ-lekiꞌna toaꞌ, iomo horiana kutiꞌikikei: inioꞌkei momesalaꞌi. Aginamo ikororomiꞌikei hingkeꞌna hawaꞌi uwaꞌ waliami to mampomonawuꞌ halali hampepoꞌohimi koꞌukoana madosahi ba to mampomolalo pekirira.

I lali Suraꞌ Mangkolehi, Pueꞌ Ala mantiꞌi: Tuꞌu mpololeke to kutiꞌi hieꞌe: lekiꞌ-lekiꞌna toaꞌ hingkiꞌ melingkotuꞌ i hinarongKu, hei lekiꞌ-lekiꞌna toaꞌ hingkiꞌ mopangakuꞌ koꞌAkuna Pueꞌ Ala. Mewaliꞌ, lekiꞌ-lekiꞌta hangangaa mampangakuꞌki walianta pe Pueꞌ Ala.

Uwaꞌ halali hampepoꞌohinte to handoaꞌi tene maroho pepoꞌohire. Hangangaa itorimokei moromiꞌ toaꞌ tiꞌo, kehapoꞌi pahuami mosisalaꞌ noniuꞌ hapo to biasa nowali.

Himokeireꞌi horiana podehoꞌkei mosalaꞌi hawiꞌna toaꞌ ntaniꞌ? Ba moromiꞌ waliane ba hawaꞌi, tuana romo to mampokononto. Hei bateꞌna hingkiꞌ moromiꞌ waliane, alaꞌ Pueꞌ hadoduoNa to pobiaꞌ mampoꞌodaꞌhi hingkeꞌna uwaꞌ wuaꞌne pajamara.