Popular Bible Verses from Wahiu 22

Share

Akumo hieꞌe Alpa hei Omega. Akumo to Uluꞌ-uluꞌna hei to Koꞌukoana. Akumo Pepongkana hei koukoana.

Notiꞌi Pueꞌ Yesu, “Hamboaꞌmo morue hingkiꞌ hupaꞌA, hei hingkiꞌ Kuhowoni waliare lekiꞌ-lekiꞌna toaꞌ hintotoꞌ hante hapo to rowali.

Inohaꞌ Mangkolehi hante towoweꞌe to hingkiꞌ nipohamoko tiꞌo mantiꞌi, “Humeimokei!” Hei lekiꞌ-lekiꞌna toaꞌ to pahori lolita hieꞌe hingkiꞌ mantiꞌi woꞌo, “Humeimokei!” Hihimo to mangkumaro, humeimokei! Hei himo to dokoꞌ maꞌinu, humeimo maꞌinu uwai to mampoꞌuwaꞌ kotuwuꞌ. Hawaꞌi paralu ihilikei!

Motanaꞌhi toaꞌ to mowaheꞌ jubara wute moꞌituꞌ, alaꞌ iohi to mekahi pe lali kota tiꞌo moliu wambaꞌ hei masipatoꞌ mangka wuaꞌ ka Loti to Mepaꞌani Kotuwuꞌ.

Notiꞌi Pueꞌ Yesu, “Hamboaꞌmo morue hingkiꞌ hupaꞌA! Motanaꞌhi toaꞌ to mampetuntui poturuꞌ to teꞌukiꞌ i lali suraꞌ hieꞌe noniuꞌ hapo to hingkiꞌ mewali.”

Hamboaꞌmo hingkiꞌ uwaꞌ wini, hei toaꞌ to meꞌohaꞌ itoꞌo hamboaꞌmohi moparaluꞌi huluꞌ ba wanta ando, alaꞌ Pueꞌ Ala hadoduoNa to hingkiꞌ mowantaihi, hei toaꞌNa hingkiꞌ moparentahi hibali datu wute nantolou-louna.

Hi Yesu hadoduona to mosobiꞌi lekiꞌ-lekiꞌna to kuꞌukiꞌ hieꞌe, hei Notiꞌi, “Tuꞌu mpololeke. Hamboaꞌmo morue, hingkiꞌ hupaꞌA.” Amin! HumeimoKo, Pueꞌ Yesu! Mekokaeꞌa hingkeꞌna Pueꞌ Yesu mobarakati lekiꞌ-lekiꞌna toaꞌna Pueꞌ Ala ka kopopuhiꞌna laliNa. Amin.

Kupowute pe lekiꞌ-lekiꞌna toaꞌ to mampehoromua hapo to kuꞌukiꞌ i lali suraꞌ hieꞌe: ane uwaꞌ toaꞌ to motambai ohina suraꞌ hieꞌe, Pueꞌ Ala hingkiꞌ motambai woꞌo pehukuna pe toaꞌ tiꞌo: hingkiꞌ pahuahi kohorewuꞌ hintotoꞌ hante hapo to teꞌukiꞌ i lali suraꞌ hieꞌe. Hei ane uwaꞌ toaꞌ to mokuraꞌi ohina ka suraꞌ hieꞌe, Pueꞌ Ala hingkiꞌ mokuraꞌi woꞌo dolaꞌna: hamboaꞌmohi wadi mangka wuaꞌ ka Loti to Mepaꞌani Kotuwuꞌ, hei hawaꞌhi wadi mekahi i lali kota to mangkolehi, hibali to teꞌukiꞌ i lali suraꞌ hieꞌe.