Popular Bible Verses from Wahiu 21

Share

Io hingkiꞌ mopahi uwai matara. Hamboaꞌmo hingkiꞌ uwaꞌ to mahi, hamboaꞌmo hingkiꞌ uwaꞌ to masusa laline ba to meꞌola, hamboaꞌmo hingkiꞌ uwaꞌ to mohakiꞌ, alaꞌ lekiꞌ-lekiꞌna to mewali tiꞌo liumo, hei hamboaꞌmo hingkiꞌ mewali.”

Uko tiꞌo, notiꞌi Haduo to mahura i pahura kodatua, “Ele, hinewowoꞌena hingkiꞌ Kuwolaꞌi lekiꞌ-lekiꞌna. Iꞌukiꞌmo lolitangKa hieꞌe, alaꞌ bateꞌna tuꞌu hei bateꞌna tebuhoꞌi.”

Hei kuhori womo loaꞌ to mololita nopokobue ka pahura kodatuana Pueꞌ Ala, notiꞌi, “Ele! Hinewowoꞌena peꞌohaꞌana Pueꞌ Ala uwaꞌ moꞌawa hante toaꞌ. Io hingkiꞌ meꞌohaꞌ moꞌawa hante toaꞌ, hei hingkiꞌ Nopopewalihi toaꞌNa. Io hadoduoNa to hingkiꞌ mampoꞌawahi hei Io hingkiꞌ mewali Pueꞌra.

Uko katoꞌo, Notiꞌikiꞌa womo, “Tutumo! Akumo hieꞌe Alpa hei Omega. Aku to Pepongkana hei to Koꞌukoana. Lekiꞌna toaꞌ to mangkumaro, hingkiꞌ Kupaꞌanikihi uwai ka ulu uwai Ngkotuwuꞌ to moromiꞌ to hawaꞌi mokoꞌukoa. Uwai tiꞌo hingkiꞌ Kupaꞌanikihi ntooꞌ-ntooꞌ.

Himo to penani ka Belisiꞌ, hingkiꞌ pahuahi lekiꞌ-lekiꞌna tiꞌo. Aku hingkiꞌ mewali Pueꞌra hei hingkiꞌ mewalihi anaꞌKu.

Angkana toaꞌ to morokaꞌhi metuntu pe Aku, toaꞌ to hawaꞌhi mepoꞌohi pe Aku, toaꞌ to kodake mpololeke waliara, to merorokoꞌ, to mekokomaꞌi waliara, topedoti, topenomba pe lentena lomoa, hei topowuti, bateꞌra hingkiꞌ nihuku lekiꞌ-lekiꞌra i lali tahiꞌ api belerang to makiꞌ mpololeke. Iomo to rotiꞌi komahia to korompihana.”

Uko tiꞌo, kuꞌokimo laniꞌ hante woiꞌ to wolaꞌ, alaꞌ laniꞌ, woiꞌ hante tahiꞌ to uluꞌ-uluꞌna moholi, hamboaꞌmo uwaꞌ.

Hei kuꞌokimo kota to mangkolehi, to nikokeneꞌi Yerusale to wolaꞌ. Kota tiꞌo mengkohou humei ka Pueꞌ Ala i suruga. Manobaꞌ mpuꞌu kota tiꞌo, hibali haduo towoweꞌe to hingkiꞌ nipohamoko nibaduꞌi nipomaranga alaꞌ hingkiꞌ modupaꞌi tomaꞌani.

Kota tiꞌo hawaꞌi paralu nowanta ando ba wula, alaꞌ Pueꞌ Ala hante Anaꞌ Gimba to mowantaiꞌi kota tiꞌo. Lekiꞌ-lekiꞌna toaꞌ i duniaꞌ hingkiꞌ matengkaꞌ i lali komobaro to ka Pueꞌ Ala, hei datu-datu i duniaꞌ hingkiꞌ mangkomihi kosugiꞌara mekahi pe lali kota tiꞌo.