Popular Bible Verses from Wahiu 19

Share

Humeimoki molinga-linga i komotanaꞌ-tanaꞌ, mampokodeꞌki konaꞌNa, alaꞌ hupaꞌmo ando konipohamokone Anaꞌ Gimba hei towoweꞌe to nipohamoko mampatimomomo wotana hingkiꞌ nipohamoko.

I jubaNa tinaꞌ i paꞌaNa teꞌukiꞌ woꞌo haꞌanu konaꞌ: “Datu ka lekiꞌ-lekiꞌna datu, Pueꞌ ka lekiꞌ-lekiꞌna pueꞌ.”

Uko tiꞌo, kuꞌokiꞌ suruga teweaꞌ, hei kuꞌokiꞌ hambaꞌa nara to popuhiꞌ. To mampelambaꞌi nara tiꞌo, konaꞌNa “To nipoꞌohi hei to tuꞌu.” Mononto pobutusiNe, hei ane moponiꞌI, moponiꞌ i lali kototuꞌuana.

Matana mewanta hibali api to makiꞌ mpololeke, hei i tutuꞌNa woriꞌ totali datu. I wotaNa teꞌukiꞌ konaꞌNe, hei Iolu to pobahaꞌ palaihana konaꞌ tiꞌo. Hei Io mopakeꞌ Juba to nilomiꞌ i lali raꞌa. KonaꞌNa iomo “Boona Pueꞌ Ala.”

Ka lali omeꞌNa mesuwumo lolita to hibali hamato piho to motari. Hei lolitaNa tiꞌo hingkiꞌ monanihi lekiꞌ-lekiꞌna toaꞌ to kodake i duniaꞌ. Uko tiꞌo, hingkiꞌ Noparentahi hante lekiꞌna rohoNa, hawaꞌi uwaꞌ to pobiaꞌ moꞌewaꞌI. Io to hingkiꞌ mampetidoꞌki kobukotana Pueꞌ Ala to Makuasaꞌ, hibali to mopiꞌi wuaꞌ anggoroꞌ i lali popiꞌia anggoroꞌ.

Katoꞌo pinatuwuꞌ tiꞌo nihokiꞌ moꞌawa hante nabi to mepomonawuꞌ to mowalimo tanda-tanda to mepohele i hinarona pinatuwuꞌ tiꞌo. Hante to mepohele tiꞌo, Pinatuwuꞌ moꞌakalai toaꞌ to uwaꞌ tanda pinatuwuꞌ, hante toaꞌ-toaꞌ to menomba pe lentena pinatuwuꞌ tiꞌo. Katoꞌo pinatuwuꞌ tiꞌo hante nabi to mepomonawuꞌ tiꞌo nitube ntuwuꞌ pe lali tahiꞌ api belerang.