Popular Bible Verses from Wahiu 11

Share

Malaꞌeka to pitu motowuiꞌ torompeꞌna, hei uwaꞌhi to mololita ropokobue i lali suruga, rotiꞌi: “Hinewowoꞌena, lekiꞌ-lekiꞌna kodatua duniaꞌ noparentaimo Pueꞌ Ala Pueꞌta, hei Datu to Mamposalamaꞌ to Noꞌuwiꞌmo. PoparentaRa wute nantolou-louna.”

Lekiꞌ-lekiꞌna toaꞌ to hawaꞌhi metuntu i Ingko, woriꞌhi moꞌewaKo. Angkana mehupaꞌmo tempone Ipomombahakihi kokoiꞌMa. Hupaꞌmo tempone Ibutusi kara-karane toaꞌ to mahi. Hupaꞌmo tempone Ihowoni komoromiꞌne toaꞌ to metuntu pe Ingko: pe nabi to mampowute PohawaꞌMu, hei lekiꞌ-lekiꞌna toaꞌMu to mangkolehi, mepongka to i wowoiꞌ tuwuꞌra, wute-wute i to mokonaꞌ tuwuꞌra. Hupaꞌmo tempone Iporopuꞌ toaꞌ to mamporopuꞌ toaꞌ i duniaꞌ hieꞌe.”

I tempo tiꞌo, hingkiꞌ Kurumbaꞌ roduo sabiꞌKu nolou mampowute pohawaꞌKu. SabiꞌKu to roduo tiꞌo, mopakeꞌhi baduꞌ to niwali ka karuꞌ, hibali to ropakeꞌ toaꞌ to masusa lalira, hei mampowutehi pohawaꞌKu i lali hasabu ronatu oni mpuluꞌ ando.”

Angkana liumo tolu ando hantangaꞌ, hupaꞌmo Inohaꞌ to tuwuꞌ ka Pueꞌ Ala to mampotuwuꞌhi. Inohaꞌ tiꞌo mekahi i wotara sabiꞌ to roduo tiꞌo, koꞌukoana tuwuꞌhi huliꞌ hei metotiꞌihi. Horiana morokaꞌhi mpololeke lekiꞌ-lekiꞌne toaꞌ to pangkiꞌ hapo to mewali tiꞌo.

Uwaꞌ kuasaꞌre motaha ura hingkeꞌna hawaꞌi toꞌu i tempora mampowute lolitana Pueꞌ. Makuasaꞌhi woꞌo i lekiꞌ-lekiꞌna uwai. Uwai wadi ropopewali raꞌa. Uwaꞌ woꞌo kuasaꞌre mampomasusa duniaꞌ norumpa mampopengaa komaporiꞌ, hiwaꞌimbolu motuntuni peleira.

Sabiꞌ to roduo tiꞌo, nipandiriꞌ hibali ropongko loti saitu hei meroꞌonu pobuntaha huluꞌ to metotiꞌi i hinarona Pueꞌ Ala Pueꞌna humanele duniaꞌ. Makuasaꞌhi mampopesuwu api ka lali omeꞌra morokoꞌ ba himolu to mangkodokoꞌi mowali dake pe iohi. Iomo horiana mahihi lekiꞌ-lekiꞌne poniꞌra to moꞌewahi.