Popular Bible Verses from Yakobus 3

Share

Angkana toaꞌ to buhaꞌ pekiri ka Pueꞌ Ala, hangangaa mangkolehi lalire, rolei mohintuwuꞌ, maꞌalusuꞌ waliare, motuntuni hawaꞌNa, popuhiꞌ lalire, hei woriꞌ langkaꞌ tene walia to moromiꞌ. Hawaꞌi mampohambeiꞌ hei hawaꞌhi hantoniꞌ.

Toaꞌ to buhaꞌ pekiri hei pebahaꞌ hangangaa nopotongawa i waliana to moromiꞌ. Walia to moromiꞌ tiꞌo mesuwu ka lalira to mengkaꞌiwowoiꞌ motuntuni hapo to hintotoꞌ i toaꞌ to mampekiri moromiꞌ.

Kotuꞌuana, walia to mononto wadi nipandiriꞌ hibali wuaꞌ to moromiꞌ ka tinudaꞌ to nohawori toaꞌ to mampaliꞌ pohintuwuꞌ.

Alaꞌ ane uwaꞌhi toaꞌ to mohiriꞌ hei to mampaliꞌlu hapo to rolei hadoduora, bateꞌna hingkiꞌ uwaꞌ poheꞌero hante mampopengaa walia to kodake.

Lilaꞌta topakeꞌ mampokodeꞌ Pueꞌ Ala Umoꞌta, angkana wadi woꞌo topakeꞌ mampononaꞌa awanta to nowali Pueꞌ Ala motuntuni wotaNa hadoduona. Ka omeꞌ, mesuwu lolita pepokodeꞌ hei petotundaꞌ. Kotuꞌuana, hawaꞌi wadi hatoꞌo!

Hatoꞌo woꞌo lolita to topowute hante lilaꞌta. Lilaꞌta tiꞌo hibali api, alaꞌ hohumboꞌi topakeꞌ mowali dake. Lolita to topowute hante lilaꞌta wadi nipandiriꞌ hibali api to ka naraka to morugiꞌi lekiꞌ-lekiꞌna kotuwuꞌta.

Angkana hawaꞌi uwaꞌ haduo toaꞌ to hohumbo mampomandondoꞌ lilaꞌna toaꞌ! Lilaꞌna toaꞌ kodake mpololeke hei hawaꞌi hohumbo nokuasaꞌi. Lolita to topowute hante lilaꞌta hibali upoꞌna ule to mepomahi.

Halali-halali! Inioꞌkei woriꞌ to mangkodokoꞌi mewali guru agama pe toSarani. Alaꞌ tobahaꞌlu woꞌo, halali-halali, ingkei to mewali guru agama hangangaa mampetuntuikei peleihana Pueꞌ Ala, hei ane masalaꞌkei, hingkiꞌ meliu pehukuNe i ingkei ntina pehukuNa pe toaꞌ biasa.