Popular Bible Verses from Yakobus 2

Share

Hatoꞌo woꞌo hante pepoꞌohinta. Ane totiꞌi mepoꞌohiki pe Pueꞌ, angkana waliante hawaꞌi motuntuni peleihaNa, palaihana hawaꞌi modumbuꞌ pepoꞌohinte. Wadi woꞌo nitiꞌi mahi pepoꞌohinte.

Winoro toaꞌ to mahi, wotalokaꞌna uwaꞌ angkana tanuanaꞌna hawaꞌi uwaꞌ. Hatoꞌo woꞌo, ane pepoꞌohinta pe Pueꞌ Ala hawaꞌi tongawa i walianta, palaihana mahi pepoꞌohinte, hawaꞌi uwaꞌ dumbuꞌna.

Halali-halali! Hapomo dumbuꞌne ane totiꞌi mepoꞌohiki pe Pueꞌ, angkana walianta hawaꞌi motuntuni peleihaNa? Ane hatoꞌoꞌi pepoꞌohinte, hawaꞌki hingkiꞌ tepohente ka pehuku dosa.

Ba ipoꞌohikei kohadoduonalu Pueꞌ Ala? Moromiꞌ ane hatoꞌoꞌi. Ngkohoweꞌhi lomoa ropoꞌohi woꞌo kohadoduonelu Pueꞌ Ala. Iomo hinaꞌ mororidiꞌhi nokomi komorokaꞌra.

Angkana uwaꞌ to hingkiꞌ mantiꞌi waheꞌe: “Uwaꞌ haduo toaꞌ to mamperohoꞌ i pepoꞌohina, hei haduo maperohoꞌ i waliana.” Io hingkiꞌ kuhoniꞌ, “Itidoꞌkiꞌa hohumbo pepoꞌohima, ane hawaꞌi uwaꞌ waliama. Hei hingkiꞌ kutidoꞌkiko pepoꞌohingka ka waliangku.”

Pueꞌ Ala hawaꞌi hingkiꞌ mampetidoꞌki komarimaNa pe toaꞌ to hawaꞌi nobahaꞌ marima. Angkana toaꞌ to mampokarima awana hampoliꞌmo motehuꞌ i ando pebutusiana Pueꞌ Ala, alaꞌ Pueꞌ Ala mampokarimahi.

Toꞌokiꞌmo toaꞌ to moromiꞌ waliare, norekeꞌ Pueꞌ Ala mononto i pampeꞌeleNa, angkana toaꞌ to mepoꞌohilu {hei waliara hawaꞌi hintotoꞌ hante i pepoꞌohira,} hawaꞌi Norekeꞌ Pueꞌ Ala to mononto i pampeꞌeleNa.

I lolitonana tiꞌo, tongawamo pepoꞌohine hi Burahima i waliana. Mewaliꞌ, alaꞌ waliana to moromiꞌ, tepobuhoꞌimo pepoꞌohine.